Welcome to doit4u.net

話說之前晴心爸媽賣咗部 iPhone 3GS 等部 iPhone 4 嚟。原先 Apple 話 12 號會由 TNT 送比我哋，我哋 12 號嗰日真係超期待。點知， TNT 無送嚟。晴心爸媽出盡力打電話去 TNT 問過究竟，不過打嚟打去都打唔通。打得通就只係話有啲問題所以送唔到比我哋。如事這，時間一日、一日、一日咁過去。今日朝早係 TNT 個 website check 到話兩部 iPhone 4 《Out of Delivery》。嘩！簡直開心到爆，等咗咁耐終於等到。跟住我即刻打返屋企叫工人姐姐先期唔好離開屋企，因為聽聞話 TNT 一去到見無人會即閃。我仲叫姐姐一收到就打比我報喜。時間滴答滴答咁過去，仲係未收到工人姐姐電話。到六點鐘啦，心死啦。放工跟住就返屋企準備打電話去 TNT 嘈一餐嚟發洩吓。返到屋企，怒火沖沖咁入房諗住換完衫，食完飯同 TNT 搏命。點知入到房，嘩！嘩！嘩！嘩！嘩！嘩！嘩！嘩！嘩！嘩！嘩！到咗？真係到咗。原來七點幾送咗去我屋企。而家仲係到 sync 緊第一部。不過唔知點解仲係好嬲好嬲。

話說為咗我部 iPhone 4 聽日到手就係前兩日走去 One2free 諗住比錢將張 SIM 咭轉做 mirco-sim。點知個 sales 話唔得，一定要 join 佢地個 iPhone plan 先可以比我轉張 SIM 咭。我頂佢個肺，排隊排咗咁耐比個咁嘅答案我？我跟住都費事同佢講咁多。走人！咁今日放工就買咗個 adapter 自己嚟。大家睇吓啦。

用返係部正常 size 嘅機成功咗，宜家等聽日 Apple Store 將部 iPhone 4 送到我手上就知道得唔得！

晴心姊妹花為大家表演一段舞蹈，請欣賞。

今日行行葵芳，無意之中發現咗我最愛嘅廸士尼人物《巴斯》。平時見到佢好多嘅公仔都無買，因為動作太生硬，無嚟個性。但係今日見到嚟隻就唔同，個個關節都郁得。可以做到唔同造型。讚到咁，我當然二話不說就買咗啦！盛為 HK$199。佢隻眼珠仲可以任你搞，睇吓幾生鬼。

今年暑假晴心媽媽安排咗我地一家大細去北海道旅行。今次嘅旅行主要係飽覽北海道嘅夏之花《薰衣草》。我地去咗四五個花場，又去咗旭川動物園、仲有食咗好多好嘢。不過，今次真係有少少失望，我去咁多次日本從來未試過一樣野都無買返香港，係一樣都無。就算最後一日去咗新宿，都係空手而回。因為啲日元真係貴都無理由，次次想買之前計一計。嘩！真係貴到離晒譜。想睇今次旅行嘅相，請到我個 online 相簿睇吓啦！

北海道之風景相

北海道之風人像相

時間真係過得好快，一眨眼晴晴已經要準備開始踏入小學的生活。童真開始會越來越少，可能仲會激到你傻。不過點都好，希望佢聽聽話話，唔好學壞。啊！晴晴係我心目中真係好靚，好靚。佢畢業典禮要幫手表演扮小天使，當日老師幫佢化妝、set 頭。我真係超、超、超鐘意佢呀！

更多小天使做型請到晴晴相簿

口不對心我最勁。兩歲半都識玩啦，有幾難？

心心第二次上兒童合唱團啦。今次唱嘅係《時鐘歌》。大家一齊睇吓啦！

上個星期同心心係屋企玩緊嘅時候影咗幾張相，有興趣就去心心相簿睇吓啦！

心心相簿

好耐都無同一班朋友出去影相啦。終於係噖日同埋班好朋友去左大窩口城門谷影荷花。相就無幾靚，不過影得好開心。得閒去我個online 相簿相簿睇吓今次啲劣作啦！

上面張相用咗 IR picture style 直出，我都幾滿意。唔駛之後搞咁多！

我的online 相簿