泡菜之旅 2012

今年我吔旅行嘅地方選擇咗泡菜國『韓國』嘅首爾。去泡菜國係因為老婆應該中咗泡菜毒。其實講真,男人真係無乜野好玩。行行行、等等等。成街只係得化妝品。好在今次老婆揾啲嘢食都算 ok。如果唔係真係大擭。大家有興趣嘅話可以去我個 online album 睇吓今次啲相。

2012 泡菜國之旅相簿

Made on Mac

影咗咁耐相都未試過認真咁做本相簿出嚟做個記念。今次去完新加坡之後,好用心咁係 iPhoto 終於做好本相簿。跟住再 send 埋去 Apple 到印製埋。出咗黎個效果都唔錯,我覺得到值得做。你地都試吓啦!

20120314-1.jpg20120314-2.jpg

2011 曼谷 &布吉之旅

又到咗一如以往嘅泰國探親遊。不過今年有啲特別,就係可以去埋布吉。布吉的感覺真係同曼谷有啲唔同。雖然今次我睇唔到籃天白雲,但係可以見到兩個囡囡成日好開心咁游水。又係另一種享受。十一日嘅泰國之遊,好快咁過去。希望可以快啲再去啦!

20110508-1.jpg20110508-2.jpg

有時間可以去吓我個 Online Photo Album 睇吓。不過今次無乜靚相,只係旅遊記錄。

2010 北海道之旅

今年暑假晴心媽媽安排咗我地一家大細去北海道旅行。今次嘅旅行主要係飽覽北海道嘅夏之花《薰衣草》。我地去咗四五個花場,又去咗旭川動物園、仲有食咗好多好嘢。不過,今次真係有少少失望,我去咁多次日本從來未試過一樣野都無買返香港,係一樣都無。就算最後一日去咗新宿,都係空手而回。因為啲日元真係貴都無理由,次次想買之前計一計。嘩!真係貴到離晒譜。想睇今次旅行嘅相,請到我個 online 相簿睇吓啦!

20100721-1.jpg20100721-2.jpg

北海道之風景相

北海道之風人像相

狂雨澳門遊!

差唔多十年無去過澳門,跟住擇咗日買埋飛同成班好友係噚日去。點知大雨到無朋友。搞到成日都要係室內行,去過澳門嘅朋友都知澳門無乜大型商場。最大就係賭場,不過都可以行吓。想當年我去嘅時候得舊葡京同回力兩間大賭場。依家有 n 咁多間,不過依家啲賭場除咗賭錢外。完全可以當藝術品咁睇。都幾好,而且賭場內嘅環境同衛生都比以前好好多。雖然今次澳門之旅影唔到相有啲失望,不過成班朋友去都好好玩。如果大家有興趣睇吓今次啲劣相,請到 Online Album 睇吓啦!

 

回來了!

去咗泰國十日返嚟啦!紅衫軍竟然係我生日出嚟搞事,搞到我當日要即刻返泰國屋企避難。真掃興。不過晴心姊妹係泰國玩得都幾開心。今次仲去咗一個 resort 度玩咗兩日一夜,嗰度都幾靚。不過坐咗成三個鐘頭車去,都幾辛苦。仲要係去嘅途中去埋泰國第五、六、七任皇帝個舊居,真係又熱又悶。今次最遺憾就喺影唔到紅軍示威嘅相。你知啦,香港無乜機會有咁嘅大場面。至於今次泰國之旅嘅相大家可以去我個相簿睇吓!都喺嗰句,香港始終都喺最好。返到嚟成個人醒晒。

更多泰國相片請到以下相簿觀看

心心 @ Thailand

晴晴 @ Thailand

風景 @ Thailand