My first PANERAI

對上一次買錶已經五六年前嘅事。本來都無諗過買錶,原本想買支新鏡頭玩吓,不過老婆大人提議不如買多隻錶啦!雖然話五、六年無買錶,但都會睇吓。今次老婆話買,我第一時間揾個好朋友幫手比啲專業嘅意見同 discount。就係咁,我就買咗我的一隻 Panerai PMA359。

20110508-3.jpg

巴斯光年,一飛沖天。

今日行行葵芳,無意之中發現咗我最愛嘅廸士尼人物《巴斯》。平時見到佢好多嘅公仔都無買,因為動作太生硬,無嚟個性。但係今日見到嚟隻就唔同,個個關節都郁得。可以做到唔同造型。讚到咁,我當然二話不說就買咗啦!盛為 HK$199。佢隻眼珠仲可以任你搞,睇吓幾生鬼。

20100801-1.jpg20100801-2.jpg

20100801-3.jpg20100801-4.jpg

又入多兩支鏡!

嘩!今日又入多兩支鏡啊。係就好 lu,我只係可以買兩個鏡頭樣嘅杯喳。無錢買真鏡就為有買兩個杯望梅止渴啦!

20100609-1.jpg

乜都睇!

係《女朋友一號》入門嗰日,有個賓客都黎咗我屋企。佢就係《HD500B》。好似神一樣嘅 config,好似無嘢睇唔到咁。其實暫時仲未有時間搞佢,因為今個星期部電腦個 Hard-disk 壞咗。好多嘢都無晒。宜家仲處於回復狀態中,不過見好耐無出 post。驚你地以為 doit4u.net 死咗。所以出幾個post 留住你地先!

20100322-3.jpg

女朋友、登堂入室!

係上個星期六,女朋友已經得到大大婆允許正式登入黃家。做細嘅佢真係好辛苦,每日都要跟我出出入入。鍾意又要對、唔鍾意又要對。暫時對佢都好滿意!正!

20100322-2.jpg

好色!

今日終於集齊咗 Xbox 360 咁多款顏色嘅手掣。白色、粉籃色、粉紅色、黑色,同埋今次主角《紅色》。

20100322-1.jpg

童年的最愛《大鐵人 17 號》

我嘅童年都唔係成日睇卡通片,所以依家成日比班賴係卡通迷嘅朋友笑無童年。但係其實我都有四個好鍾意嘅機械人。佢地分別係《六神合體》、《黃金戰士》、《Gundam RX-78-2》同埋今次嘅主角 ─《大鐵人 17 號》。論鍾意度,《大鐵人 17 號》係最愛,第二係《Gundam RX-78-2》,跟住係《六神合體》同《黃金戰士》。所以今日好開心,終於將最愛的機械人入手。等我比大家睇吓佢有幾吸引啦!

 

仲有高清變身比埋你睇!