Welcome to doit4u.net

今年暑假晴心媽媽安排咗我地一家大細去北海道旅行。今次嘅旅行主要係飽覽北海道嘅夏之花《薰衣草》。我地去咗四五個花場，又去咗旭川動物園、仲有食咗好多好嘢。不過，今次真係有少少失望，我去咁多次日本從來未試過一樣野都無買返香港，係一樣都無。就算最後一日去咗新宿，都係空手而回。因為啲日元真係貴都無理由，次次想買之前計一計。嘩！真係貴到離晒譜。想睇今次旅行嘅相，請到我個 online 相簿睇吓啦！

北海道之風景相

北海道之風人像相

今日係屋企上演咗一幕輸的贏不了。晴心爸媽係正義嘅！

兩姊妹唔係有無錯，只不過係鍾意扮鬼扮馬。被人罰都要扮！鬼馬！

更多佢地嘅新相，請到晴心相簿觀看！

晴晴相簿

心心相簿

今日去拜山時，姑姐又做咗個手袋比心心。姑姐真係鍚佢兩姊妹！

各位好友，其實個 Server 已經搞返好一段時間。但係有係 facebook add 我嘅朋友都應該知道我屋企發生咗啲野！心情亦難以用短時間復原。不過比少少時間我，我會把這兩個星期嘅野寫係呢個 blog 度。到時大家再睇吓我在這過去的星期究竟發生左乜野事。多謝各位！

今日同咗佢地落樓下公園玩，又同佢地影張幾張相。大家睇吓啦！

更多請到晴心相簿睇吓啦！

晴晴相簿    心心相簿

今年中秋節除咗去燒野食之外，其實我地仲參加咗會所個燈籠 D.I.Y. 班。你地睇吓我地一家四口啲燈籠！晴晴同媽媽都做得幾靚，但係我同心心就好肉酸。會所姐姐睇到我地兩個個成品仲笑咗出黎。睇真啲真係幾肉酸

晴晴話咁快就已經五歲啦！我地無乜特別咁同佢搞生日會，只係一家人去咗廸士尼樂園玩咗兩日一夜。佢地都玩得好開心。大家睇吓啦！

更多相片請到 Online Album 睇啦！

上個星期六同晴心爺爺同晴晴慶祝生日。晴心麻麻煮咗好豐富嘅晚餐、姑姐就買咗好靚嘅蛋糕同兩位主角慶祝生日。大家睇吓我吔幾開心！

咁耐無 update 個 blog 搞乜？真係唔好意思，其實係無端端攞返隻《彩紅六號 2 》嚟玩。一玩，就玩返上癮。同小俊俊玩咗兩個星期。噚日同小俊俊玩緊嘅時候，晴心兩姐妹都好想一齊玩。你睇吓佢吔揸住個手制幾投入。