Welcome to doit4u.net

話說之前晴心爸媽賣咗部 iPhone 3GS 等部 iPhone 4 嚟。原先 Apple 話 12 號會由 TNT 送比我哋，我哋 12 號嗰日真係超期待。點知， TNT 無送嚟。晴心爸媽出盡力打電話去 TNT 問過究竟，不過打嚟打去都打唔通。打得通就只係話有啲問題所以送唔到比我哋。如事這，時間一日、一日、一日咁過去。今日朝早係 TNT 個 website check 到話兩部 iPhone 4 《Out of Delivery》。嘩！簡直開心到爆，等咗咁耐終於等到。跟住我即刻打返屋企叫工人姐姐先期唔好離開屋企，因為聽聞話 TNT 一去到見無人會即閃。我仲叫姐姐一收到就打比我報喜。時間滴答滴答咁過去，仲係未收到工人姐姐電話。到六點鐘啦，心死啦。放工跟住就返屋企準備打電話去 TNT 嘈一餐嚟發洩吓。返到屋企，怒火沖沖咁入房諗住換完衫，食完飯同 TNT 搏命。點知入到房，嘩！嘩！嘩！嘩！嘩！嘩！嘩！嘩！嘩！嘩！嘩！到咗？真係到咗。原來七點幾送咗去我屋企。而家仲係到 sync 緊第一部。不過唔知點解仲係好嬲好嬲。

各位好友，其實個 Server 已經搞返好一段時間。但係有係 facebook add 我嘅朋友都應該知道我屋企發生咗啲野！心情亦難以用短時間復原。不過比少少時間我，我會把這兩個星期嘅野寫係呢個 blog 度。到時大家再睇吓我在這過去的星期究竟發生左乜野事。多謝各位！

講到欄王。你地一定會快而盡咁叫出《劉翔》個名，我們中國的驕傲。但係你地會唔會始終同佢好似好近；又似好遠？你見到佢、但係又捉唔到佢。一代欄王就係好似遠在天邊，其實佢就近在咫尺。想一睹一代欄王，唔駛等到東亞運動會。其實我係 1989 年都係一代欄王。

今日晴晴好唔聽話。唉！教訓咗佢一餐，本來想請佢食藤條炆豬肉。不過同佢講緊道理時佢無端端彈咗句：『我知你好鍚我，爸爸』。聽完成個人軟晒，都唔捨打佢。

去咗泰國十日返嚟啦！紅衫軍竟然係我生日出嚟搞事，搞到我當日要即刻返泰國屋企避難。真掃興。不過晴心姊妹係泰國玩得都幾開心。今次仲去咗一個 resort 度玩咗兩日一夜，嗰度都幾靚。不過坐咗成三個鐘頭車去，都幾辛苦。仲要係去嘅途中去埋泰國第五、六、七任皇帝個舊居，真係又熱又悶。今次最遺憾就喺影唔到紅軍示威嘅相。你知啦，香港無乜機會有咁嘅大場面。至於今次泰國之旅嘅相大家可以去我個相簿睇吓！都喺嗰句，香港始終都喺最好。返到嚟成個人醒晒。

更多泰國相片請到以下相簿觀看

心心 @ Thailand

晴晴 @ Thailand

風景 @ Thailand

又係嗰句。點解咁耐唔 udpate 個 blog？除咗忙之外，最大問題係我個寬頻又死咗成個星期啦！我上個星期三開始壞咗，打咗超過十個電話比佢地嘅工程部、客戶服務部及客戶關注組。但回覆只有兩個。長話短說。在此

祝和記寬頻，業務蒸蒸日上。

用了多時的 blogger 一直都無乜問題。點知係我個和記寬頻壞咗六日後，佢跟住傻埋。無晒我所有 post。唔駛諗啦！好火啊！即刻轉用第二個 CMS 。剛剛試用 WordPress，希望 ok 啦！