Welcome to doit4u.net

晴心姊妹花為大家表演一段舞蹈，請欣賞。

時間真係過得好快，一眨眼晴晴已經要準備開始踏入小學的生活。童真開始會越來越少，可能仲會激到你傻。不過點都好，希望佢聽聽話話，唔好學壞。啊！晴晴係我心目中真係好靚，好靚。佢畢業典禮要幫手表演扮小天使，當日老師幫佢化妝、set 頭。我真係超、超、超鐘意佢呀！

更多小天使做型請到晴晴相簿

心心第二次上兒童合唱團啦。今次唱嘅係《時鐘歌》。大家一齊睇吓啦！

一心一意晴晴無咁好彩可以分派到心目中的小學，所以之前已經準備咗佢嘅 Portfoilo。一旦出黎個結果太過強差人異，我地就出發搞門跪求小學學位一個。你知啦，家姐派到邊間都直接影響埋妹妹。點知晴晴派到第一志願的小學，我地都好開心，可以話鬆一口氣。不過見到有啲小朋友個家長因為小孩派唔到心目中的小學，淚流成河，真係有啲唔開心。每個父母為咗自己嘅兒女都出盡力，唔知兒女又知唔知道呢父母嘅心情呢？

仲有啊，晴晴已經做咗四眼妹。因為遺傳關係，佢有 4xx 度遠視、3xx 度散光。再唔戴眼鏡就對眼就會繼續差落去，所以無辦法。見到佢咁細個戴眼鏡真係辛苦，佢又怕人地話佢唔靚。唉！

今日係屋企上演咗一幕輸的贏不了。晴心爸媽係正義嘅！

今日晴晴芭蕾舞考試。合格咗啦！跟住再同佢最老友個同學兼芭友影咗幅靚相！大家睇吓！似唔似 Twins 啊！

兩姊妹唔係有無錯，只不過係鍾意扮鬼扮馬。被人罰都要扮！鬼馬！

更多佢地嘅新相，請到晴心相簿觀看！

晴晴相簿

心心相簿

今日同晴心兩姊妹去咗拜山，跟住再同佢地近近地去咗葵芳新都會行街街。晴心姊妹都幾開心，係晴晴買唔到超人梅比斯有啲失望咁。不過心心就好開心，因為媽媽買咗好多嘢比佢。大家睇吓佢個開心樣！

行行吓見到個背包幾靚，就買埋比佢等佢可以裝返自己啲嘢。咁究竟佢個背包有啲乜？等我同大家直擊睇吓！

其實心心因為九陰八骨爪已經去到頂峰，所以佢宜家要學第二樣野。希望佢唔好愛黎對付家姐啦！

各位朋友，其實之前已經介紹過晴心姊妹係唔駛買手袋用，因為晴心姑姐會親手做袋比佢地。今日又收到新袋啦！大家睇吓啦！

今日一次過同兩條女沖涼，你地睇吓沖得佢地幾冧！