Welcome to doit4u.net

今年暑假晴心媽媽安排咗我地一家大細去北海道旅行。今次嘅旅行主要係飽覽北海道嘅夏之花《薰衣草》。我地去咗四五個花場，又去咗旭川動物園、仲有食咗好多好嘢。不過，今次真係有少少失望，我去咁多次日本從來未試過一樣野都無買返香港，係一樣都無。就算最後一日去咗新宿，都係空手而回。因為啲日元真係貴都無理由，次次想買之前計一計。嘩！真係貴到離晒譜。想睇今次旅行嘅相，請到我個 online 相簿睇吓啦！

北海道之風景相

北海道之風人像相

時間真係過得好快，一眨眼晴晴已經要準備開始踏入小學的生活。童真開始會越來越少，可能仲會激到你傻。不過點都好，希望佢聽聽話話，唔好學壞。啊！晴晴係我心目中真係好靚，好靚。佢畢業典禮要幫手表演扮小天使，當日老師幫佢化妝、set 頭。我真係超、超、超鐘意佢呀！

更多小天使做型請到晴晴相簿

上個星期同心心係屋企玩緊嘅時候影咗幾張相，有興趣就去心心相簿睇吓啦！

心心相簿

好耐都無同一班朋友出去影相啦。終於係噖日同埋班好朋友去左大窩口城門谷影荷花。相就無幾靚，不過影得好開心。得閒去我個online 相簿相簿睇吓今次啲劣作啦！

上面張相用咗 IR picture style 直出，我都幾滿意。唔駛之後搞咁多！

我的online 相簿

今日同晴心落咗公園玩加影相。你地快啲去心心相簿睇吓啦！

更多請到心心相簿觀看！

心心好鍾意跳芭蕾舞，係屋企已經成日著家姐以前條芭蕾舞裙跟家姐跳。工人姐姐仲話佢連午睡都要著埋件芭蕾舞裙。〈笑〉！咁『琴』日就帶咗心心去試跳，見到佢跟住老師跳芭蕾舞好搞笑。但係都有板有眼，唔係渣流灘。兩歲半都未夠就對芭蕾舞咁熱衷，值得嘉許。

一心一意晴晴無咁好彩可以分派到心目中的小學，所以之前已經準備咗佢嘅 Portfoilo。一旦出黎個結果太過強差人異，我地就出發搞門跪求小學學位一個。你知啦，家姐派到邊間都直接影響埋妹妹。點知晴晴派到第一志願的小學，我地都好開心，可以話鬆一口氣。不過見到有啲小朋友個家長因為小孩派唔到心目中的小學，淚流成河，真係有啲唔開心。每個父母為咗自己嘅兒女都出盡力，唔知兒女又知唔知道呢父母嘅心情呢？

仲有啊，晴晴已經做咗四眼妹。因為遺傳關係，佢有 4xx 度遠視、3xx 度散光。再唔戴眼鏡就對眼就會繼續差落去，所以無辦法。見到佢咁細個戴眼鏡真係辛苦，佢又怕人地話佢唔靚。唉！

晴晴係晴心爸媽結婚十週年又有表演。今次表演嘅曲目同上次一模一樣，所以唔駛彩排。不過我覺得其實晴晴表演跳舞叻過唱歌。點都好，同大家分享吓啦！

今日係我嘅長假期嘅第一日。一早同晴晴去咗麥記食早餐，跟住同佢去咗行一陣千色店。然後就帶返晴晴返屋企。之後一個人去屯門飛髮。飛完髮買咗杯珍珠奶茶一路飲一路渣車返屋企。爽！返到屋企心心啱啱醒咗。見到佢又忍唔住同佢影咗幾幅相。大家睇吓啦！

更多請到心心相簿睇吓啦！

今日同咗佢地落樓下公園玩，又同佢地影張幾張相。大家睇吓啦！

更多請到晴心相簿睇吓啦！

晴晴相簿    心心相簿