晴心姊妹極嘆《珍寶珠》!

今日買咗珍寶珠比晴晴食,點知返到屋企比妹妹搶咗。好彩屋企仲有後備,跟住兩姊妹就係度嘆世界一齊食珍寶珠!

  

更多佢地嘆《珍寶珠》相片,請到以下相簿觀看

心心相簿

晴晴相簿

晴晴第二次表演 (元朗兒童合唱團)

晴晴係過咗嗰個星期日第二次代表兒童合唱團表演。雖然只係小配角一名,但係我地都睇到如痴如醉。隔離嗰個就係佢個朋友仔彤彤姊姊,彤彤個媽媽亦係晴心媽媽個同學。有時間請到以下相簿睇吓啦!

>>> >>>> 晴晴第二次表演的相簿

童年的最愛《大鐵人 17 號》

我嘅童年都唔係成日睇卡通片,所以依家成日比班賴係卡通迷嘅朋友笑無童年。但係其實我都有四個好鍾意嘅機械人。佢地分別係《六神合體》、《黃金戰士》、《Gundam RX-78-2》同埋今次嘅主角 ─《大鐵人 17 號》。論鍾意度,《大鐵人 17 號》係最愛,第二係《Gundam RX-78-2》,跟住係《六神合體》同《黃金戰士》。所以今日好開心,終於將最愛的機械人入手。等我比大家睇吓佢有幾吸引啦!

 

仲有高清變身比埋你睇!

心軟~~~

今日晴晴好唔聽話。唉!教訓咗佢一餐,本來想請佢食藤條炆豬肉。不過同佢講緊道理時佢無端端彈咗句:『我知你好鍚我,爸爸』。聽完成個人軟晒,都唔捨打佢。

回來了!

去咗泰國十日返嚟啦!紅衫軍竟然係我生日出嚟搞事,搞到我當日要即刻返泰國屋企避難。真掃興。不過晴心姊妹係泰國玩得都幾開心。今次仲去咗一個 resort 度玩咗兩日一夜,嗰度都幾靚。不過坐咗成三個鐘頭車去,都幾辛苦。仲要係去嘅途中去埋泰國第五、六、七任皇帝個舊居,真係又熱又悶。今次最遺憾就喺影唔到紅軍示威嘅相。你知啦,香港無乜機會有咁嘅大場面。至於今次泰國之旅嘅相大家可以去我個相簿睇吓!都喺嗰句,香港始終都喺最好。返到嚟成個人醒晒。

更多泰國相片請到以下相簿觀看

心心 @ Thailand

晴晴 @ Thailand

風景 @ Thailand