心心跳舞之《大金冷氣》

寫完個 blog 出面鬼死咁嘈,做乜鬼嘢啊?出到去,心心好得意咁跳緊舞。第一時間就衝去士多房拎部相機影低佢比大家睇吓。

狂雨澳門遊!

差唔多十年無去過澳門,跟住擇咗日買埋飛同成班好友係噚日去。點知大雨到無朋友。搞到成日都要係室內行,去過澳門嘅朋友都知澳門無乜大型商場。最大就係賭場,不過都可以行吓。想當年我去嘅時候得舊葡京同回力兩間大賭場。依家有 n 咁多間,不過依家啲賭場除咗賭錢外。完全可以當藝術品咁睇。都幾好,而且賭場內嘅環境同衛生都比以前好好多。雖然今次澳門之旅影唔到相有啲失望,不過成班朋友去都好好玩。如果大家有興趣睇吓今次啲劣相,請到 Online Album 睇吓啦!

 

晴心生活傳真《21-May-2009》

又係時候要放送一下晴心姊妹啲生活照比大家睇吓啦!

 

情歌 101!

一生人可能沒有談過 101 次愛,但係 101 首情歌無理由未聽過。一個字。正!

HTC Diamond 2 入手

合眼緣嘅手機好耐都無出現過啦。個樣得,功能又啱心水。自從兩三年前用過 ASUS 部 P535 之後,其實都無諗過再買 Windows Mobile 電話。因為 PDA 功能得,但係電話唔得。可能時代進步啦,身邊好多朋友都有用 Windows Mobile 嘅電話,而且都好似唔錯咁。加上早個月前公司同事借咗部 HTC Cruise 比我玩咗半日,電話同功能都好滿意。跟住就想下一部買 HTC Cruise 黎用。點知等吓等吓嘅時候‧‧‧

 
 

HTC 出咗部叫做 Diamond 2。其實 Diamond 除咗個樣外,功能好似好多人都話一般。我唔可以再用一部唔得嘅電話啦。LG 部 KU990 我到好辛苦啦!Diamond 2 個外型我覺得幾 Classic。但 Classic 得黎有啲心藏不露。功能絕對係我最想要的,乜都有,唔駛愁!正!

黃金海岸兩小時

 

今日晴心媽媽好想同晴心姊妹去吓戶外活動。跟住 B 仔舅父又入黎陪佢地一齊去,咁我地就去咗黃金海岸沙灘啦!膽生毛嘅心心出乎以料之外同家姐一樣都怕『沙』。點解呢?點解我兩個囡都怕『沙』?真係莫名奇妙。不過點都好,家姐大個咗就無再怕唔拮腳嘅沙。但係一出到去有浪嘅地方仲係驚到鬼摙咁嘈。真係醜怪。大家可以去佢地兩姊妹嘅相簿睇吓今日佢地幾張相。

家姐相簿

心心相簿

有 heart 之作!!

其實搬咗嚟新屋到成年有多,但係屋企啲野好似未完全搞掂咁。仲有乜?其中一樣就係屋企冷氣機啲 remote。六部冷氣只係得一個 remote 用得,全部壞晒。要買返完裝成兩百蚊一個,都幾甘。不過晴心媽媽話鴨寮街有代用 remote ,咁今日就去咗睇吓。嘩!點知只係賣四十蚊一個。但係都唔知得唔得,點解?個老闆話個 remote 係一千合一喎。你知啦,通常吹到咁大你都驚一驚啦。咁買住兩個睇吓得唔得先。返到屋企開個嚟試吓先,睇一睇個說明書。搵返個冷氣機牌子,入返個 code。搞掂!跟住本來想掉咗個盒,諗一諗。都係 keep 住好啲,第時要 set 過無咗說明書都唔知係邊度搵返。點知我一翻轉個 remote。嘩!原來用法已經印埋係個 remote 背部,咁有 heart 。抵我讚你!