遲來的驚喜!

話說之前晴心爸媽賣咗部 iPhone 3GS 等部 iPhone 4 嚟。原先 Apple 話 12 號會由 TNT 送比我哋,我哋 12 號嗰日真係超期待。點知, TNT 無送嚟。晴心爸媽出盡力打電話去 TNT 問過究竟,不過打嚟打去都打唔通。打得通就只係話有啲問題所以送唔到比我哋。如事這,時間一日、一日、一日咁過去。今日朝早係 TNT 個 website check 到話兩部 iPhone 4 《Out of Delivery》。嘩!簡直開心到爆,等咗咁耐終於等到。跟住我即刻打返屋企叫工人姐姐先期唔好離開屋企,因為聽聞話 TNT 一去到見無人會即閃。我仲叫姐姐一收到就打比我報喜。時間滴答滴答咁過去,仲係未收到工人姐姐電話。到六點鐘啦,心死啦。放工跟住就返屋企準備打電話去 TNT 嘈一餐嚟發洩吓。返到屋企,怒火沖沖咁入房諗住換完衫,食完飯同 TNT 搏命。點知入到房,嘩!嘩!嘩!嘩!嘩!嘩!嘩!嘩!嘩!嘩!嘩!到咗?真係到咗。原來七點幾送咗去我屋企。而家仲係到 sync 緊第一部。不過唔知點解仲係好嬲好嬲。

20100816-1.jpg  20100816-2.jpg

20100816-3.jpg  20100816-4.jpg

激鬼氣,自己嚟。

話說為咗我部 iPhone 4 聽日到手就係前兩日走去 One2free 諗住比錢將張 SIM 咭轉做 mirco-sim。點知個 sales 話唔得,一定要 join 佢地個 iPhone plan 先可以比我轉張 SIM 咭。我頂佢個肺,排隊排咗咁耐比個咁嘅答案我?我跟住都費事同佢講咁多。走人!咁今日放工就買咗個 adapter 自己嚟。大家睇吓啦。

Step 1  Step 2

Step 3  Step 4

Step 5

用返係部正常 size 嘅機成功咗,宜家等聽日 Apple Store 將部 iPhone 4 送到我手上就知道得唔得!

晴心姊妹花 –世界真細小

晴心姊妹花為大家表演一段舞蹈,請欣賞。

巴斯光年,一飛沖天。

今日行行葵芳,無意之中發現咗我最愛嘅廸士尼人物《巴斯》。平時見到佢好多嘅公仔都無買,因為動作太生硬,無嚟個性。但係今日見到嚟隻就唔同,個個關節都郁得。可以做到唔同造型。讚到咁,我當然二話不說就買咗啦!盛為 HK$199。佢隻眼珠仲可以任你搞,睇吓幾生鬼。

20100801-1.jpg20100801-2.jpg

20100801-3.jpg20100801-4.jpg