Welcome to doit4u.net

心心經過上個星期第一次上合唱團後，返到屋企都有練習吓。等我地分享比大家睇吓啦！

《怪聲版》

《正經版》

嘩！今日又入多兩支鏡啊。係就好 lu，我只係可以買兩個鏡頭樣嘅杯喳。無錢買真鏡就為有買兩個杯望梅止渴啦！

今日同晴心落咗公園玩加影相。你地快啲去心心相簿睇吓啦！

更多請到心心相簿觀看！

心心好鍾意跳芭蕾舞，係屋企已經成日著家姐以前條芭蕾舞裙跟家姐跳。工人姐姐仲話佢連午睡都要著埋件芭蕾舞裙。〈笑〉！咁『琴』日就帶咗心心去試跳，見到佢跟住老師跳芭蕾舞好搞笑。但係都有板有眼，唔係渣流灘。兩歲半都未夠就對芭蕾舞咁熱衷，值得嘉許。

一心一意晴晴無咁好彩可以分派到心目中的小學，所以之前已經準備咗佢嘅 Portfoilo。一旦出黎個結果太過強差人異，我地就出發搞門跪求小學學位一個。你知啦，家姐派到邊間都直接影響埋妹妹。點知晴晴派到第一志願的小學，我地都好開心，可以話鬆一口氣。不過見到有啲小朋友個家長因為小孩派唔到心目中的小學，淚流成河，真係有啲唔開心。每個父母為咗自己嘅兒女都出盡力，唔知兒女又知唔知道呢父母嘅心情呢？

仲有啊，晴晴已經做咗四眼妹。因為遺傳關係，佢有 4xx 度遠視、3xx 度散光。再唔戴眼鏡就對眼就會繼續差落去，所以無辦法。見到佢咁細個戴眼鏡真係辛苦，佢又怕人地話佢唔靚。唉！

今日係屋企上演咗一幕輸的贏不了。晴心爸媽係正義嘅！

今日晴晴芭蕾舞考試。合格咗啦！跟住再同佢最老友個同學兼芭友影咗幅靚相！大家睇吓！似唔似 Twins 啊！

兩姊妹唔係有無錯，只不過係鍾意扮鬼扮馬。被人罰都要扮！鬼馬！

更多佢地嘅新相，請到晴心相簿觀看！

晴晴相簿

心心相簿

今日去拜山時，姑姐又做咗個手袋比心心。姑姐真係鍚佢兩姊妹！

今日同晴心兩姊妹去咗拜山，跟住再同佢地近近地去咗葵芳新都會行街街。晴心姊妹都幾開心，係晴晴買唔到超人梅比斯有啲失望咁。不過心心就好開心，因為媽媽買咗好多嘢比佢。大家睇吓佢個開心樣！

行行吓見到個背包幾靚，就買埋比佢等佢可以裝返自己啲嘢。咁究竟佢個背包有啲乜？等我同大家直擊睇吓！

其實心心因為九陰八骨爪已經去到頂峰，所以佢宜家要學第二樣野。希望佢唔好愛黎對付家姐啦！