乜野叫做強？

頂級就係頂級。5D Mark II 再勁都只不過係中級機種，點先係機皇？小俊俊就可以話比你知，SONY A900 全幅片 2400 萬像就係機皇啦！忍手咗咁耐，佢終於要接受現實。頂級人用頂級機！你睇吓佢買咗部頂級機都目無表情就知佢深不見底啦！

 

雙生機？

話時話好耐都無出 post 啦！點解？第一病到七彩，飽受同事白眼、吐罵。仲邊有心情同時間出 post 啊！不過今日真係有野不吐不快。陪伴咗我兩年半嘅神兵終於受唔住科技進步嘅考驗，要退役啦！5D，再見啦。咁邊個取代佢？就係佢個弟弟，5D Mark II 啦。成街都無貨但又偏偏比我遇見，我地嘅緣份都唔少。好等我用你影多啲相同 movie 報答你嘅出現先得。

真的令我愛上你？

記得 2002 年有一天好奇看看一個新聞組，有一個名為《光圈先決》的人令我愛上攝影。令我愛上在數碼相機上拍下我喜歡的人和物。2008 的今年，有一個人叫《B 仔》。令我開始想用菲林相機去拍下我喜歡的人和景。點解當時代進步咗咁多，由數碼相機普及令好多人開始攝影嘅時候；又會有一群用數碼相機拍照嘅人想買返部傳統相機影吓相？真係唔明。我個人認為現今全幅片嘅數碼相機已經超越咗傳統 135 相機好多。點解？點解包括我都想擁有一部菲林 135 相機？說不出的原因，說不出的魔力。但係我亦唔係隨便選擇一部 135 相機就能滿足我嘅要求。終於由《B 仔》袋裡開始。一部簡單操作，有一定影像質數嘅 135 機仔，佢似乎就係我想要嘅野。《佢》係乜野？《Fujifilm Natura Classic》。一個我陌生嘅名字，請恕我對菲林相機嘅無知。這個名字在 Internet 上不難找到佢嘅資料，有人會同我講 Minota TC-1 係無敵。但我在網上尋找了很多相片嘅 sample 睇。我要嘅、我認為係 《Fujifilm Natura Classic》。雖然我仲未入手，但我已經問《B 仔》借咗黎試下。我仲買咗一筒成 $55 蚊嘅菲林準備投入 Natura Classic 嘅世界。

 

 

 

當第一筒菲林誕生之時，就係我決定係唔係把佢擁有之時。

EOS Expo 2007

今日請咗半日假去咗 Canon 個 Expo。不過真係有啲失望，無乜驚喜。亦見唔到佢有乜野可以同今代 Nikon D3 比。我今次最想係睇吓部 1Ds MarkIII 究竟可唔可以為 Canon 粉絲出一口氣。手感就依然承繼 1 系嘅優良傳統，不過新技術就唔多足夠。更差就係唔可以比人插自己張記憶咭試影。究竟我個下一個目標嘅質數可唔可以滿足到我，仍然係未知知數。不過我身為 Canon 民間代言人，唔多唔少都要買啲野助興。全日最開心就係買到我部 EOS 5D 嘅 1:6 模型。因為夜晚再陪同事行多一次時已經賣晒，都算無白費我請咗半日假去睇今次 Expo。夜晚睇完之後阿宇仔介紹去灣仔一間日式 Cafe 食晚飯。一個字，貴到無朋友。不過其實都幾好食，但係對於我嚟講實在太貴啦！我寧願買多隻模型玩吓。

 
 

Suzuki Cafe

 

終於有架『細』！

對上部輕便式細相機係成四年前三百萬像嘅 Pentax。無論像數同技術都已經唔夠用，所以老婆出盡辦法係信用咭市場入手。但係每一部最終都係要賣返出去，因為質數實在不勘入目。到了晴晴三歲生日嘅前三日，老婆終於係市場入手。經我 Filter 後，成功用 HK$2,980 購入 Canon 860IS。以三仟蚊機仔，我對佢評為『增持』。原因成街都斷晒貨，我地都買埋 dcfever 最後一部。部機仔做乜咁搶手？因為佢有 28mm Wide、IS 防震、人面對焦。市場上都算最齊料嘅機仔，而且質數亦達標。當然唔可以用大機相比啦！

 

ME-1@ EOS 5D

之前買支東蔡全手動鏡，影出嚟就 ok。不過對焦時好辛苦，因為好難睇到中唔中焦。雖然 5D 嘅 view finder 已經算大，但係要對焦係一點實在有點吃力。所以在網上不斷睇下有無嘢幫到手。哈哈，王天不負有心人，終於比我搵到有關 view finder 放大器嘅資料同比較。最後勝出竟然係 Olympus 嘅 ME-1。可惜，搵晒成個中西環嘅相機店都無貨，最後靈機一觸唸到有個人可能幫到我。佢就係樂於助人，對相機資訊甚有研究嘅朋友宇仔。我走問佢的一句話：『喂！我想問 Olympus 嘅配件』。佢竟然即刻問我係唔係想買 view finder 放大器。嘩！我真係服佢服得好『交關』。跟住即日佢就話比我聽係邊間有貨，仲幫我同間店留埋添。所以話無料唔緊要，最緊要朋友多。跟住第二日，即係今日就去買。比大家睇吓啦！手動對焦方便咗，不過用係 5D 到可能大咗小小，隻眼放得唔正可能睇唔晒個畫面。哈哈！

原裝 view finder	Olympus ME-1
原裝 view finder 裝著	Olympus ME-1 view finder 裝著

另外其實今日最主要係比支東蔡人地整下，因為唔知係唔係自己加個 M42 to EOS mount 時用力過度。總係覺得對焦有啲問題，點知一去到『香賓』比人睇。人地即刻話支鏡的軸歪咗，嘩！我真係呆咗，不過好彩佢話有得整。大約要兩個星期，到時整好一定要去試吓正唔正先行。

‧當 Canon 遇上 Carl Zeiss‧

今日，終於收到來自捷克嘅蔡司鏡。佢係我一個星期前成功在 ebay 投返嚟。仲等乜嘢？開箱先。嘩！好多包裝嘅紙碎係支鏡面喎！等我掃晒佢跟住嗱嗱聲走旺角買返個 M42 mount 將支 FLEKTOGON 2.8/20mm Carl Zeiss Jena DDR 裝上我部愛機先。你地睇吓幾有型？聽日去咁橘約咗小俊俊同埋阿 Sam 去白泥影相。真係好好彩！及時趕到。後日再上我個 blog 睇吓用佢影啲相得唔得啦！我都好緊張啊。

 
 
 

清潔寶寶！

妹妺幫我係日本買左 DSLR 的清潔寶寶返嚟。乜野係清潔寶寶？未就係 Canon 嘅 Sensor Cleaning Kit SCK-E1。佢係專清潔 CMOS 嘅工具。我問過香港 Canon 每次清潔 CMOS 要三百幾蚊一次，依家套野都係大約三百幾蚊，不過可以清潔好多次。點都低過返 Canon 整。

 
 

Thanks Sonia!

My 2nd Tripod "Manfrotto"

後日就要去泰國玩。唔影吓靚相點得啊，咁影靚相無腳架又更加唔得啦！:P 之前那個 Silk U7700 承受唔到我部相機同支鏡。有次影月亮仲成支腳架向地趺，好彩用蛇型手足返住。如果唔係我諗我肉痛成年都似。之前同細佬去買咗支 Benro Carbon，真係好正。但係唔知點解我放支 70-200 落去就好難除返出嚟，仲搞到爆咗『江』。所以今日去咗旺角『肥花』買左支 Manfrotto。佢重過支 Benro 都幾多，不過無錢無計仔。鍾意嗰支 Gitzo 成三仟大元，仲未計波頭。我啲貧窮線下的 Dadad 點買啊！所以就買咗 Manfrotto 的 190XB。佢重 1.8kg、負重 5kg，個波頭又係 Manfrotto 嘅 484RC2。重 0.32kg、負重 4kg。其實都好重吓。老婆，麻煩晒啦！:P

 

阿賢！你睇吓我買到乜比你？

真係搵到我都傻。不過希望你鐘意啦！

  

有嘢賣！！

因為換咗間大屋，現在出售細屋仔連電子抽乾抽濕器。有意請電郵或致電給我！




email: doit4u@gmail.com

安樂居所

一個理想的家，要有乜？有老婆、有囡囡。就係咁簡單。咁乜嘢可以令到我嘅寶貝相機都有一個安樂居所？好簡單，只要我個財政司司長一聲 OK。我嘅寶貝就可以住得好開心。

一係唔出，一出就有正野！

咁耐無出 post 實在對唔住大家，所以為答謝大家對我嘅支持。以後我會比多 d 靚相大家睇。

  

  

  

以下兩張相都係用 17mm 影，睇下 Full Frame 嘅威力啦！

  

聖誕中的魔鬼！

今日又有一個大好青年比一班魔鬼引誘後決定買下 DSLR 相機。我這個魔鬼中的魔鬼梗係唔放過哩 d 機會，約埋個大好青年出去放毒啦！同佢行左幾三四間相機店，從佢既眼神已經知道佢好迷迷糊糊。只要再花多點嘴頭，佢就一定要大放金錢。而這個就是我的目的。哈哈！

最終，大好青年花了數千元買下一機一鏡。幾多錢就唔好公開啦！所以你地要睇多 d 警訊哩類節目，唔好咁易相信別人既花言巧語，更唔好因為貪小便宜而招至無謂既損失。

不過，係哩個普天同慶的聖誕節。我內心既魔鬼又再次浸食我既思相，我根本好似唔屬於我咁。個一刹那我真係唔記得我做過 d 乜野，不過係我返到屋企門口時發現我手上多了一個袋，而袋裡面竟然有一支鏡頭。最不可思異就係這支是我一直以來都好想有的 Canon IS 鏡。死啦，點算？點入屋呢？由於冬天既關係，我靈機一觸將支鏡頭放係大褸入面，然兩手插袋作掩飾。好了，一切準備就緒，開門！！！

一開門那一刹那，從我老婆的雷射眼中，我就好似光禿禿站在人前一樣。佢一步一步咁跟住我入房，然後鏡頭就在我倆中間。我即時好似有 d 《乜咁 Arm》既感覺咁！我當時真係唔想再隱瞞我老婆有隻魔鬼係我腦裡面，我真係好辛苦 ar，點解無人諒解我 ar。

經過數秒間的眼神接觸，我老婆好似明白我既苦況咁，無再追問落去。係哩個時候仲等乜野，開鏡啦！ wow......

  

P.S.
1.) 大好青年為 Billy。
2.) "IS" 係 Canon 的防震技術。

有餐好野食！ (Dec-13-2005)

話說 Supervin 已經深深愛上左攝影，仲想去買支長鏡打下雀咁。我見佢咁有心，放工陪佢去左尖少咀天祥買左支 水貨 Sigma 70-300mm 長鏡。今次我都讚成佢買水貨，因為水貨 HK$1,250，行貨要 HK$1,700 蚊。買完之後我想去旺角幫個朋友買個散熱器，於是 Supervin 陪返我去旺角。落到去旺角我地去左旺角電腦城，行到頂樓最後一間先見到有個散熱器買。買完之後隨口叫 Supervin 請我食日本野，哈！佢竟然二話不說話好，我地去左女人街裡面的一間叫做井和鐵板燒烤到食。不過我地無食到燒烤餐，各自叫左自己想食既野。食完後埋單要成 HK$180 蚊，我諗住咁貴都係自己出返錢。點知 Supervin 兄已經拿左錢袋出黎找數，所以幾時我都話 d 人唔了解 Supervin 兄。佢對朋友真係兩脅插刀。

  

Supervin 兄，幾時再食過 ar !