第一次！

今日將我嘅第一次奉獻咗比兩個中五嘅小妹妹！唔好誤會，係我第一次小組外影 Model。雖然兩個 model 加埋先有我咁大，但係佢地真係好 professional 。我地乜都唔識，佢地又無話唔耐煩。不過今日真係幾唔滿意自己影啲相。真係浪費咗人地啲時間。希望就今次嘅經驗可以令到下次或者第時可以有些水準嘅作品啦！真係唔知人地會唔會覺得我地好差，以後都無人比我地影！:-(

我吔係邊幾個？之唔係小俊俊同埋 Anthony Yip 囉！





如要觀看更多，請到 我的 online album

革命攝花火

今日喺 2009 嘅的第一日，剛剛訓醒無幾耐。終於有時間處理噚日係 IFC 影嘅煙花相。講起噚日影相就唔能夠唔同大家分享吓我吔革命成功嘅事。點解影煙火同革命會扯上關係？原因係我地大約十點去到影煙花嘅地方，去到嘅時候只係得一對型男索女係度等緊影煙花。我吔都驚 set 好晒之後比警察叔叔驅趕，眼見有兩架警察車係度，梗係問咗先啦！問完佢吔答返我只係會趕車走唔趕人走。正！第一時間飛返個靚位到 set 機啦！跟住就同阿 Sam、小俊俊、仲有對型男索女傾吓計等影相。點知‧‧‧突然有個警察叔叔行過黎叫我吔走！吓！唔係呱！仲有十分鐘就開先黎同我吔講唔可以係度影？當時大約有二三十人係度，但係真係等咗兩個幾三個鐘其實就係得對型男索女同我吔。不過其他人嘅激動情緒都唔比我吔差。叫苦、叫罵、叫囂都有。最後時間一秒秒咁過，有一個二粒一柴嘅警察叫其他警察用雪糕筒把我吔圍住。哈哈！掂咗，佢圍住我吔係唔想我吔走出馬路。咁即係我吔可以係原位影新年煙花。一場無流血嘅革命，一場精彩嘅煙花。咁就係一個新年頭嘅開始。雖然我對影煙花真係無心得，但係如果有興趣就去我個相簿睇吓啦！



煙花的 Online album

晴晴跟她的 best friend 玩了一天！

今日晴晴同埋佢嘅 best friend 去咗大棠荔枝園玩咗一日。其實佢地兩個見到已經開心到不得了，去邊到玩都無問題。就好似今日咁，佢地玩咗成日竟然話餵金魚最好玩！激死！



想睇更多佢地嘅相，請到 晴晴相簿 觀看更多。

晴晴美女！

晴心媽媽係日本定咗好多衫比晴心姊妹，晴晴最鍾意就係呢條裙。佢仲鬼鬼馬馬比我影相。你地睇吓佢靚唔靚！

老婆，生日快樂！

今日係老婆 24 歲嘅生日，(哈哈！)祝你身體健康，常常美麗。希望你喜歡今年我的準備同禮物啦！

心心獻愛心。

心心自己病到死死吓都不忘獻出愛心。自己唔用退熱貼之餘仲要錫啖鹿鹿，唔得！爸爸吃醋啦！



大腳偉叔叔，多謝你隻鹿鹿。你睇吓佢過得幾好！

雙生機？

話時話好耐都無出 post 啦！點解？第一病到七彩，飽受同事白眼、吐罵。仲邊有心情同時間出 post 啊！不過今日真係有野不吐不快。陪伴咗我兩年半嘅神兵終於受唔住科技進步嘅考驗，要退役啦！5D，再見啦。咁邊個取代佢？就係佢個弟弟，5D Mark II 啦。成街都無貨但又偏偏比我遇見，我地嘅緣份都唔少。好等我用你影多啲相同 movie 報答你嘅出現先得。

美女晴晴！

今日晴晴去荃灣大會堂表演。表演過程就要遲啲先買到 DVD 睇，不過一返到屋企真係忍唔住要同我個靚女晴晴影返幾張相先得。大家睇吓佢靚唔靚？我第一眼見到佢化咗妝真係靚到我認唔到！哈哈！

心心日本搞笑篇

心心最愛食嘢，就算係日本都唔會例外。快啲睇吓佢幾為食啦！

《搞笑篇上集》



《搞笑篇下集》

日本東京之旅 2008

今次雖然心心好勁咁 Win 咗個旅行返黎。不過帶埋心心同晴晴去真係辛苦到爆！無時間行、無時間玩、無時間食、無手買嘢。不過我都唔係最辛苦嗰個，最辛苦係晴心媽媽，連瞓都無得瞓。所以我吔決定咗下年我吔自己兩個再去過！我吔要吃喝玩樂買嘢玩！就因為咁，所以今次我只可以影吓 snap shot 做記念。真係好對唔住大家，有時間就去睇吓啦！



請到 2008 東京之旅相簿  觀看更多！

小明星@日本

心心真係勁。唔係我自己讃自己個女正！我吔去到日本，無論係老外或者係日本人見到心心都即時講 Very cute 同埋 Kawaii。仲問我地可唔可以同心心影張相！梗係無問題啦！萬一撞著個外國大導演嘅話，我即時升格做星爸。到時想唔發都難！哈哈！

真的令我愛上你？

記得 2002 年有一天好奇看看一個新聞組，有一個名為《光圈先決》的人令我愛上攝影。令我愛上在數碼相機上拍下我喜歡的人和物。2008 的今年，有一個人叫《B 仔》。令我開始想用菲林相機去拍下我喜歡的人和景。點解當時代進步咗咁多，由數碼相機普及令好多人開始攝影嘅時候；又會有一群用數碼相機拍照嘅人想買返部傳統相機影吓相？真係唔明。我個人認為現今全幅片嘅數碼相機已經超越咗傳統 135 相機好多。點解？點解包括我都想擁有一部菲林 135 相機？說不出的原因，說不出的魔力。但係我亦唔係隨便選擇一部 135 相機就能滿足我嘅要求。終於由《B 仔》袋裡開始。一部簡單操作，有一定影像質數嘅 135 機仔，佢似乎就係我想要嘅野。《佢》係乜野？《Fujifilm Natura Classic》。一個我陌生嘅名字，請恕我對菲林相機嘅無知。這個名字在 Internet 上不難找到佢嘅資料，有人會同我講 Minota TC-1 係無敵。但我在網上尋找了很多相片嘅 sample 睇。我要嘅、我認為係 《Fujifilm Natura Classic》。雖然我仲未入手，但我已經問《B 仔》借咗黎試下。我仲買咗一筒成 $55 蚊嘅菲林準備投入 Natura Classic 嘅世界。

 

 

 

當第一筒菲林誕生之時，就係我決定係唔係把佢擁有之時。

心心‧破屋企記錄

心心破乜記錄？未就係申請 Passport 同 ID Card 囉。佢咁醒嬴咗個日本旅行返黎，無理由唔帶埋佢去。晴晴第一次出埠係一歲半，心心就得八個月大。不過真係有啲擔心佢水土不服！

全家福

仲記唔記得我吔國慶去咗影樓影相呢？當然除咗心心好叻咁令到我吔可以免費去日本之外，仲有就係當日其實都買咗張大張。今日終於有得攞啦！張相就放咗係我吔個飯廳，等到食飯時可以開胃啲。嘻嘻！

別人的藝術

今日同小俊俊去咗《賽馬會創意藝術中心》。看見別人多種不同的創意同心思，自己真有點乏味；只懂把別人的心思同創意複製在自己嘅記憶咭中。今次就當作同大家分享別人的心思，希望能啟發到我地的創作細胞。



更多賽馬會創意藝術中心相片！

心心老闆！

各方好友，我地就黎一家人去旅行啦！去邊？日本囉。點解？咁就要多謝今次個老闆心心啦！因為之前晴心媽媽將心心張相寄咗去參加比賽。點知今日收到通知話嬴咗。嬴咗乜？大家睇吓下面條 link 啦！

http://www.friso.com.hk/photos/winner01.jsp

你地無睇錯！就係《四人五日四夜日本東京機票連酒店加迪士尼樂園入場卷》

就係呢張相啦！



不過晴心爸爸因為無假期可能無得去。:(

心心笑笑笑！

今日媽媽要開 OT 。等我同心心玩一晚先攞下分先！

心心喪笑！

安心晒！

今日真係可以話安心晒。點解？啲人問我地公司掂唔掂？你睇下，咁嘅時勢仲有多餘錢送成三千個《南瓜頭》比員工。你就知實力有幾雄厚啦。



哈哈！

Photo Wall

晴心媽媽買咗個 Photo Wall 比我。等我將晴心啲相放上去等大家成日可以見到先。

向第 70 隊快樂小密蜂致敬！

晴晴巳經正式加入咗女童軍第70 隊《快樂小密蜂》。唔知點解依家女童軍會改埋啲咁搞笑嘅名！不過套衫真係幾靚。晴心媽媽當年亦係女童軍隊長，唔知晴晴做吾做到呢？

 

香港的回憶

雖然我唔係住牛頭角下邨。但係隨住香港嘅發展，好快又要將一啲值得回憶嘅嘢拆卸。好耐無出去影相嘅我，今日同小俊俊就去咗牛頭角下邨同香港人留返啲回憶。



請去我個  online 相簿 觀看更多！

Family @ Studio

今日國慶 book 咗去 Studio 影全家福。當然其實心心係主角啦！大家有時間去我哋個相簿睇吓啦！



晴心相簿

心心@Studio 相簿

晴晴@Studio 相簿

全家開開心心@Studio 相簿

自然‧美！

自從晴晴大個咗之後同佢影相時佢都好做作。跟本無一張我自己十分鍾意。但係今日終於影到佢自然美嘅笑幾張。好想好想同大家分享！







晴晴相集

心心傳真！

又打八號風球。今年真係勁！早咗返屋企同心心拍咗兩段錄像。等我同大家分享吓啦！

心心喪叫！



心心學做動作

《因‧為您》縱然多色，鐘愛唯黑。

雖然 Steve Jobs 出咗好多隻色比唔同 Style 嘅人。但係我依然選擇咗黑色。點解？就返我個封面。

仙果？

噖日去咗媽咪到做節，跟住係佢屋企見到一盤發光嘅嘢。係乜？我都唔知，我媽咪話比我知要成 $68 一個。咁我以家知道佢係乜嚟啦！佢就係《仙果》。一個有芒果味嘅桃。要成 $68 一個？跟住細佬就即時話，要 $68 蚊買個有芒果味嘅桃不如買個芒果食。哈哈！有道理。不過人就係咁，如果我同你講有個西瓜味嘅橙，我諗你都想試吓！無論如何，真係唔捨得都要試吓！寫住咁多先，想試吓個《仙果》。哈哈！

做節@旦王花

傳說中香港有一個好靚嘅地方食泰國菜。我吔就籍住今年中秋節去尋找呢一片仙境。我吔屋企渣車大約十五分鐘就到咗呢個仙境！哈哈！環境確係靚，好浪漫。士應態度亦唔錯，食物都幾好、價錢一啲都唔貴。

 



 

晴晴四歲了！

一眨眼晴晴已經四歲人仔。雖然佢比咗唔少痲煩比我哋，但係佢比我吔嘅歡樂就已經蓋過晒所有所有唔開心嘅事。生活有唔少不開心都好，眼看晴晴同心心一日一日咁長大。所有野都可以開心返晒！乖乖哋啦！晴晴！



我吔無同晴晴開大型生日會，只係有婆婆、舅父、舅母同佢慶祝。不過大家都好開心，仲有就係好多謝好多謝 Betty 姨姨。因為年年佢都記得晴晴生日兼送好有心思嘅禮物比佢，多謝晒！

又要多謝人！

好朋友宇仔又去咗日本旅行。又買咗特別嘅手信比我哋一家人。真係好多謝你，不過下次真係唔駛啦！比多啲靚相我睇吓仲好啦！



又叫我唔好食，又要買比我！真係唔知多謝你定係話你好？
哈哈！

Arsenal Fans!!!

親愛嘅朋友。我吔成家都係 Arsenal Fans !!! 記得支持阿仙奴啊！

最紅星期五！

噚日係《匯凶銀行》最紅星期五嘅最後一日。好多人都作出最後衝刺去《仆為》同《凶宅》買嘢，買乜最低？我就話喺鏡頭啦！有十個巴仙回贈，出去都搵唔到咁平。所以喺屋企最貧困嘅時間亦不顧一切買咗其中一支 Dream Lens。買完仲去咗間幾地道又幾好食嘅日本居酒居晚善。食咗好多嘢都係三百幾蚊，絕對值。橫掂買鏡平咗成一千蚊，豪一次比佢啦！



新成員及全家福





 

心心想打風？

心心上次打風預測都好準，唔通今次又要打風？

心心學游水！

心心無得去游泳池游水，就要諗吓可以點！最後晴心媽媽就諗到比佢係我吔個浴缸試吓。你睇吓佢玩得幾開心。

心心相簿開幕！

終於開始為心心做個相簿啦！我會慢慢加返多啲心心嘅相上去。大家得閒就去睇吓啦！



心心相簿

晴心相簿

又有意外？

咁耐無 update 個 blog。點知一有嘢 update 就係衰嘢！今日你地有無睇新聞？元朗發生咗單交通意外。無錯！我就係單交通意外嘅其中一個當事人。不過好彩無乜事。事件中有一件好搞笑嘅事，當架車一撞咗唔夠五秒，全車人聽到有個男人打電話同公司講：『唉！我撞咗車，我諗我今日返唔到公啦。我無乜特別野做，咁好啦！ bye bye ！』當事我望吓隔離左右啲人。個個都 O 晒咀！撞車五秒就知道成日返唔到公。勁！。勁賴！ Anyway, 好彩我同我老婆都無乜大傷，只係大家隻腳都『唹』咗少少。

 

 

蘋果日報：

青 朗 公 路 4 車 相 撞 16 人 傷 09:48am

早 上 8 時 ， 青 朗 公 路 往 荃 灣 方 向 ， 近 元 朗 公 路 一 段 支 路 ， 前 方 的 一 部 貨 櫃 車 慢 駛 ， 尾 隨 兩 部 貨 車 及 旅 遊 巴 ， 有 車 收 掣 不 及 ， 釀 成 四 車 連 環 相 撞 。 四 部 車 共 16 人 傷 ， 包 括 9 男 7 女 ， 介 乎 21 至 53 歲 。

弟弟回來了！

弟弟終於係英國返咗黎，佢都過咗去做咗差唔多兩年野。今次回歸希望佢可以好似英國咁無係香港做得咁辛苦啦！點都好，佢都要辛苦埋哩次。點解？因為佢要係英國幫我買好多野返嚟！哈哈‧‧‧你地睇吓！樣樣我都好鍾意椰！

 

harman/kardon 嘅 iPod 汽車專用控制！幾型！

 

香港要賣成一千六百蚊，英國買只係四百蚊！正！快啲搵日去裝咗佢先。

不過最開心都係可以見返多啲細佬！

心心也開心！

所以話。幾時爸爸買嘢最開心都係啲女。我無講大話，您地睇吓心心幾開心！

 

 

試吓錄歌會唔會正啲先！

美好時光不能留。

今天天氣好得不得了。對於喜歡攝影的人來說實在太美好！但由於工人 li li 要放假，我又沒有什麼心情。所以白白浪費了今天。但黃昏時一個人在睡房望出去，也禁不住要把相機拿出來拍一張。



希望明天能出外拍拍照！

心心食點心！

個個飲茶都有野食，心心都唔執輸

我開心！《因‧有你》

今日終於可以擁有我最愛的一張 Design Chair，就係 Ball Chair。今次為咗介紹張 Design Chair 有幾型！我專誠係聯邦軍請咗 RX-78-2 做我嘅 Model。您睇吓幾型！

  



 

我真係勁鐘意啊！

豈有此你‧豈有此你~~~~

朋友阿余仔話睇到個 web-site 可以自己做個乜野《DIY 數碼天線》。又話自己都做咗。超勁！超強！超正！我見佢講到好 enjoy 又似層層咁，喺半信半疑嘅情況下買咗十幾蚊材料、用咗半個鐘頭時間去証實我做咗傻仔。佢如果覺得老點朋友會好自豪，咁我話比你聽。你好叻啊！

  

My new car!

各位朋友，由於舊車已經唔夠位比我地一家人坐。所以上個月我地換咗架七人車！希望有機會坐吓您地啦！

放棄了？還未！

很耐都無再用部相機去影相。有時心裡面都會問吓自己係唔係已經放棄咗影相。但係今日再次攞返起佢同 Anthony、小俊俊去濕地公園。我可以好肯定話比你地知，原來我仲好鍾意影相。不過我覺得自己影相差咗好多。Anyway，影返多啲惡補吓先得。



請到我的相簿觀看今次全部相片

Magic!!!

好耐都無見過 Magic hour。今日返到屋企由房間望出去，立即令我走到士多房攞返部相機出嚟。你地睇，個天真係好耐無試過咁靚啦！

心心想學食手指？

唔係掛？晴晴細個都唔會食手指。心心竟然想食？

Who is Sum Sum？

邊個叫做心心？未就係我哋屋企個『寶貝二號』囉！佢都好似晴晴咁得意架！不過以家開始認人。因為我比少咗時間睇佢，佢唔係好認得我。我抱親佢佢都喊都好勁。搞到我都唔知點算。仲要比老婆係屋企叫我做 number10。唔係足球員個十號，係屋企加埋得五個人，而我被重視嘅程度排到第十。可想我現在活得幾好。><
等我聽多啲華仔首 Everyone is No.1 安慰下自己先得。Anyway, I will try my best to give you more time. 我遲一步會做個『雙妹嘜影院』同『心心天地』。希望到時大家可以睇到多啲佢地兩姐妹嘅生活同成長點滴啦！又係嗰句：廢話少講，去片。

 

 

忙乜忙到同你地失晒聯絡？

很久很久沒有更新我的 Blog 了。我忙乜忙到咁？除咗公司有 Project 外，最忙就係搬屋。由搬屋前一個月忙到上個星期先叫做八八九九。裝修一般，傢私就因為最後收口費嘅問題搞到唔開心。一句講晒：煩！各位好友，如果有興趣到小弟寒舍坐下，請打個電話比我。我會好熱情咁招待閣下，令到你有賓至如歸嘅感覺為止。廢話少講，比啲相大家睇下先！

 

 

星之路

晴晴勇闖欒譠的一步。我對晴晴的初步評分大約有 6 分。佢能唔能夠令到我做星爸就要睇下大家對佢嘅評價啦！