第一次！

今日將我嘅第一次奉獻咗比兩個中五嘅小妹妹！唔好誤會，係我第一次小組外影 Model。雖然兩個 model 加埋先有我咁大，但係佢地真係好 professional 。我地乜都唔識，佢地又無話唔耐煩。不過今日真係幾唔滿意自己影啲相。真係浪費咗人地啲時間。希望就今次嘅經驗可以令到下次或者第時可以有些水準嘅作品啦！真係唔知人地會唔會覺得我地好差，以後都無人比我地影！:-(

我吔係邊幾個？之唔係小俊俊同埋 Anthony Yip 囉！





如要觀看更多，請到 我的 online album

革命攝花火

今日喺 2009 嘅的第一日，剛剛訓醒無幾耐。終於有時間處理噚日係 IFC 影嘅煙花相。講起噚日影相就唔能夠唔同大家分享吓我吔革命成功嘅事。點解影煙火同革命會扯上關係？原因係我地大約十點去到影煙花嘅地方，去到嘅時候只係得一對型男索女係度等緊影煙花。我吔都驚 set 好晒之後比警察叔叔驅趕，眼見有兩架警察車係度，梗係問咗先啦！問完佢吔答返我只係會趕車走唔趕人走。正！第一時間飛返個靚位到 set 機啦！跟住就同阿 Sam、小俊俊、仲有對型男索女傾吓計等影相。點知‧‧‧突然有個警察叔叔行過黎叫我吔走！吓！唔係呱！仲有十分鐘就開先黎同我吔講唔可以係度影？當時大約有二三十人係度，但係真係等咗兩個幾三個鐘其實就係得對型男索女同我吔。不過其他人嘅激動情緒都唔比我吔差。叫苦、叫罵、叫囂都有。最後時間一秒秒咁過，有一個二粒一柴嘅警察叫其他警察用雪糕筒把我吔圍住。哈哈！掂咗，佢圍住我吔係唔想我吔走出馬路。咁即係我吔可以係原位影新年煙花。一場無流血嘅革命，一場精彩嘅煙花。咁就係一個新年頭嘅開始。雖然我對影煙花真係無心得，但係如果有興趣就去我個相簿睇吓啦！



煙花的 Online album

老婆，生日快樂！

今日係老婆 24 歲嘅生日，(哈哈！)祝你身體健康，常常美麗。希望你喜歡今年我的準備同禮物啦！

美女晴晴！

今日晴晴去荃灣大會堂表演。表演過程就要遲啲先買到 DVD 睇，不過一返到屋企真係忍唔住要同我個靚女晴晴影返幾張相先得。大家睇吓佢靚唔靚？我第一眼見到佢化咗妝真係靚到我認唔到！哈哈！

真的令我愛上你？

記得 2002 年有一天好奇看看一個新聞組，有一個名為《光圈先決》的人令我愛上攝影。令我愛上在數碼相機上拍下我喜歡的人和物。2008 的今年，有一個人叫《B 仔》。令我開始想用菲林相機去拍下我喜歡的人和景。點解當時代進步咗咁多，由數碼相機普及令好多人開始攝影嘅時候；又會有一群用數碼相機拍照嘅人想買返部傳統相機影吓相？真係唔明。我個人認為現今全幅片嘅數碼相機已經超越咗傳統 135 相機好多。點解？點解包括我都想擁有一部菲林 135 相機？說不出的原因，說不出的魔力。但係我亦唔係隨便選擇一部 135 相機就能滿足我嘅要求。終於由《B 仔》袋裡開始。一部簡單操作，有一定影像質數嘅 135 機仔，佢似乎就係我想要嘅野。《佢》係乜野？《Fujifilm Natura Classic》。一個我陌生嘅名字，請恕我對菲林相機嘅無知。這個名字在 Internet 上不難找到佢嘅資料，有人會同我講 Minota TC-1 係無敵。但我在網上尋找了很多相片嘅 sample 睇。我要嘅、我認為係 《Fujifilm Natura Classic》。雖然我仲未入手，但我已經問《B 仔》借咗黎試下。我仲買咗一筒成 $55 蚊嘅菲林準備投入 Natura Classic 嘅世界。

 

 

 

當第一筒菲林誕生之時，就係我決定係唔係把佢擁有之時。

別人的藝術

今日同小俊俊去咗《賽馬會創意藝術中心》。看見別人多種不同的創意同心思，自己真有點乏味；只懂把別人的心思同創意複製在自己嘅記憶咭中。今次就當作同大家分享別人的心思，希望能啟發到我地的創作細胞。



更多賽馬會創意藝術中心相片！

心心老闆！

各方好友，我地就黎一家人去旅行啦！去邊？日本囉。點解？咁就要多謝今次個老闆心心啦！因為之前晴心媽媽將心心張相寄咗去參加比賽。點知今日收到通知話嬴咗。嬴咗乜？大家睇吓下面條 link 啦！

http://www.friso.com.hk/photos/winner01.jsp

你地無睇錯！就係《四人五日四夜日本東京機票連酒店加迪士尼樂園入場卷》

就係呢張相啦！



不過晴心爸爸因為無假期可能無得去。:(

安心晒！

今日真係可以話安心晒。點解？啲人問我地公司掂唔掂？你睇下，咁嘅時勢仲有多餘錢送成三千個《南瓜頭》比員工。你就知實力有幾雄厚啦。



哈哈！

香港的回憶

雖然我唔係住牛頭角下邨。但係隨住香港嘅發展，好快又要將一啲值得回憶嘅嘢拆卸。好耐無出去影相嘅我，今日同小俊俊就去咗牛頭角下邨同香港人留返啲回憶。



請去我個  online 相簿 觀看更多！

《因‧為您》縱然多色，鐘愛唯黑。

雖然 Steve Jobs 出咗好多隻色比唔同 Style 嘅人。但係我依然選擇咗黑色。點解？就返我個封面。

又有意外？

咁耐無 update 個 blog。點知一有嘢 update 就係衰嘢！今日你地有無睇新聞？元朗發生咗單交通意外。無錯！我就係單交通意外嘅其中一個當事人。不過好彩無乜事。事件中有一件好搞笑嘅事，當架車一撞咗唔夠五秒，全車人聽到有個男人打電話同公司講：『唉！我撞咗車，我諗我今日返唔到公啦。我無乜特別野做，咁好啦！ bye bye ！』當事我望吓隔離左右啲人。個個都 O 晒咀！撞車五秒就知道成日返唔到公。勁！。勁賴！ Anyway, 好彩我同我老婆都無乜大傷，只係大家隻腳都『唹』咗少少。

 

 

蘋果日報：

青 朗 公 路 4 車 相 撞 16 人 傷 09:48am

早 上 8 時 ， 青 朗 公 路 往 荃 灣 方 向 ， 近 元 朗 公 路 一 段 支 路 ， 前 方 的 一 部 貨 櫃 車 慢 駛 ， 尾 隨 兩 部 貨 車 及 旅 遊 巴 ， 有 車 收 掣 不 及 ， 釀 成 四 車 連 環 相 撞 。 四 部 車 共 16 人 傷 ， 包 括 9 男 7 女 ， 介 乎 21 至 53 歲 。

弟弟回來了！

弟弟終於係英國返咗黎，佢都過咗去做咗差唔多兩年野。今次回歸希望佢可以好似英國咁無係香港做得咁辛苦啦！點都好，佢都要辛苦埋哩次。點解？因為佢要係英國幫我買好多野返嚟！哈哈‧‧‧你地睇吓！樣樣我都好鍾意椰！

 

harman/kardon 嘅 iPod 汽車專用控制！幾型！

 

香港要賣成一千六百蚊，英國買只係四百蚊！正！快啲搵日去裝咗佢先。

不過最開心都係可以見返多啲細佬！

大難不世！！

上個星期六，渣咗架新車去啊叔到 Check 吓。一泊好咗架車，落地同啊叔、堂弟傾吓架車唔夠十秒。砰一聲！只聽聲，不見影。乜野事？一隻鋁窗原來從天而降。我地三個人同隻鋁窗相隔唔夠兩米。你地睇吓張相！我架車原本泊咗係前面架銀色車後面。好彩個人同埋架車都無事！如果唔係你地唔駛再黎我個 Blog 啦。張相個 banner 真係好有意思！

公司大變身！

今日 2007 年 8 月 8 日係公司大變身嘅日子，由一間本地公司搖身一變，成為一間四百億歐元嘅 Investment Bank 全資擁有。對我地哩啲蟻民究竟是禍是福仲係未知知數，希望一切嘅野唔好嚟得太突然、太恐怖啦！

乜嘢叫大少？

乜嘢叫大少？食龍眼都唔使自己剝殼就叫做大少啦！最好下次連核都唔使吐。唔該晒老婆大人！

好耐無拍拖！

自從晴晴出世之後，好耐無同老婆大人拍拖。咁啱公司同事比送咗兩張『男兒本色』贈卷比我，梗係唔好錯過同老婆拍拖嘅機會啦！睇戲之前同老婆去咗總統戲院隔離間『泰簡單』食餐好嘅。哩間野係我個好朋友 Billy 介紹。最初係灣仔細細間，宜家攞咗好多獎同埋搬咗去銅鑼灣。價錢當然貴咗唔少啦。不過真係幾好食。如果你未去過就去試吓啦！

 

 

仲有套戲如果唔計真係打不世，都幾好睇！讚！

2003 旅遊回顧

其實去咁多地方，最靚我覺得係瑞士。偶然睇返 2003 年去瑞士嘅相，决定將啲相分享比大家睇下。

另外發現咗個可以將啲相變立體嘅網頁，有興趣去睇下啦！

Cool Slideshows!

更多瑞士的相片

晴晴同 Yuli 慶祝生日！

今日係我地個工人 Yuli 生日，佢由晴晴三個月大湊同宜家，其實我都當咗佢係我地屋企人。我隨咗買咗張 1G M2 card 比佢做生日禮物，今晚仲同佢一齊出咗去食飯。當然唔少得生日蛋糕啦！唔係，係生日雪糕先真。

 



或到晴晴影院觀看晴晴全部影片！

晴晴要說聲多謝！

Billy x Monchhichi 去咗日本北海道玩都不忘買晴晴好鍾意食嘅限定薯條。所以晴晴特別要向 Billy 哥哥說聲多謝！

 




或到晴晴影院觀看晴晴全部影片！

晴晴第一次畢業！

睇住晴晴一步一步咁成長，做人父母真係好開心。今日晴晴終於係拔臣幼稚園的 playgroup 畢業啦！，見到佢又歌又舞，真係好大感觸。Click 張相或者 Click 下面條 link 睇吓啦！



doit4u.net Album 2

忠心何價！

阿仙奴啊阿仙奴啊。今日終於收到你地寄嚟嘅會員咭啦！不過你地可唔可以打返好啲啊。希望你地下年可以取回聯賽第一啦！我鍾意嘅阿仙奴快啲返黎啦！

 


努力啊！

Up set..... & miss you.... Brother

今日可能係嚟緊哩兩年最後一次見到我個細佬，真係好唔捨得。Kevin, 希望你去到英國做嘢一路順風。識個『半唐番』就仲好！好多謝你今日送個我一直都好想要嘅電子相架比我。Thank you very much......



P.S. 記得多啲 MSN 同埋 send 啲相返黎比我哋睇啊！

終於無咁忙，但係好心慌！

唉！以為忙完兩三個月可以吐一口氣。點知！公司又話要賣比人。咁嘅時勢，你都未話唔驚！真係搞到無乜心機寫 blog......

情人節不止是情人節！

有了晴晴情人節亦唔係情人節兩個人興祝的節日。加上年近歲晚，咁做節同埋情人節就變咗同一日。雖然無咗乜野浪漫嘅感覺，但係都開心。

地震‧‧‧

其實不嬲聽到電視報告地震消息真係無乜留意。不過今次台灣地震真係勁，唔單止台灣受影響。成個東南亞都比個地震搞到好慘，唔係真係 MSN 咁簡單。對於我地做 IT 嘅人嚟講，真係可以形容為災難性嘅地震。真係諗吓如果一個月或者更長時間無得用 Internet 嚟個世界會變成點？

《別人的特別日期》

二零零六年三月十三日。一個我未必要成日記住嘅日子，但係對於比利嚟講，今日就係一個唔可以忘記嘅轉捩點。因為由今日開始，佢再唔係淨係為自為而生存，佢要兼附起照顧另一半的責任。在此，我誠心祝福佢地白頭到老，幸福快樂。

電腦節變做狼之大集會

唉！又要唉一句先，為什麼？我都想知，點解電腦節的入場人仕為左影女模多於選購電腦產品？最不幸是連我的朋友也要這樣做。唉、多嘆一句，我並不希望所有的人要自重，但至少我身邊的朋友能回到是岸。

~ My life ~

【內疚】

多日來也沒有時間寫下半句句子，豈料沒有時間也要寫下一段內疚的事情。
朋友啊！我沒有意令你更加煩惱，請容我內疚一生！

無法再叫你知道，如何內疚。
為何盡是往昔，錯的因由。
為何在、在我心，留下了每晚淚與酒。
今天一切，全是借口。

一萬個對不起！

想去又唔想去 ~

老婆好想去旅行，其實我都想去，但係又唔想錯過囡囡成長的每一個畫面。如何是好？

開心 = 見到囡囡 > 旅行
開心 = 旅行 - 工作唔開心

黑加侖子 BlackBerry

世界上最討厭的提子正是 RIM 出品的黑加侖子 BlackBerry。都唔知點解佢可以擁有一種特別討厭的特點，就係當老闆未用的時侯會好生性，好好用。但當老闆用的時侯就會出盡千奇百怪的問題，令你無從入手，亦沒有任何援助。問供應商就只會有幾款答案：『唔應該係咁』，『無人試過咁 wor』、『可能有咁既機會』之類的答案。大佬啊！我點同老闆講啊？我都知『唔應該係咁』啦！不過以家係咁我可以點啊？老闆唔會覺得係部機既問題，會覺得係我唔掂。老闆啊，部『提子』唔係我可以控制。我都只係一個 end user，只不過我要記住晒部『提子』點用，當你問我既時侯我盡我既記憶教返你地點用 jar。

唉！所以我都認同網上的一段說話：【做 I.T. 係要放棄晒所有自尊，做一隻任勞任怨既狗】。

   
認住我個衰樣

三舅父走了！

剛剛送別了三舅父，回到家中沖完涼。在送別時三舅母及表妹 Joey 都不禁流下眼淚，我需然沒有流出眼淚，但也並不開心。孤獨回家時更埋怨自己不能抽多些時間陪伴他們，但是我亦盡我的能力陪伴他們。唉！算吧，快些儲多些錢過去探望他們吧！不過其實我最想都是爸爸和媽媽都能一起去探望他們，一來他們可以兩姊弟見面，再者給她們多點時間休息。她們實在工作得太辛苦了。

『蒼天倘能盡人意，山作黃金海作田。』

痴線！

點解每次問題一定係一次過黎晒？係唔係連個天都唔鐘意我啊？朝早六點半返到公司 standby，現在好辛苦！
ZZZzzz

再見了！

唉！每個人都有自己唔同的生活模式同地方，而身邊亦有親人是這樣。

三舅父，唔知點解人類要發明飛機，係都要將親人朋友送到無雷公咁遠。不經不覺你又黎左香港三星期，而且很快就走啦！還記得兩年前去到你屋企住，你既熱情招代！真的回味無窮，可惜當你回來香港時我又不能常常抽時間陪你到處走走。真是很抱謙！Anyway，祝你們身體健康，我亦會找個機會再去探望你們。



再見了！三舅父、三舅母、Joey 表妹！