全家福

仲記唔記得我吔國慶去咗影樓影相呢？當然除咗心心好叻咁令到我吔可以免費去日本之外，仲有就係當日其實都買咗張大張。今日終於有得攞啦！張相就放咗係我吔個飯廳，等到食飯時可以開胃啲。嘻嘻！

最紅星期五！

噚日係《匯凶銀行》最紅星期五嘅最後一日。好多人都作出最後衝刺去《仆為》同《凶宅》買嘢，買乜最低？我就話喺鏡頭啦！有十個巴仙回贈，出去都搵唔到咁平。所以喺屋企最貧困嘅時間亦不顧一切買咗其中一支 Dream Lens。買完仲去咗間幾地道又幾好食嘅日本居酒居晚善。食咗好多嘢都係三百幾蚊，絕對值。橫掂買鏡平咗成一千蚊，豪一次比佢啦！



新成員及全家福





 

弟弟回來了！

弟弟終於係英國返咗黎，佢都過咗去做咗差唔多兩年野。今次回歸希望佢可以好似英國咁無係香港做得咁辛苦啦！點都好，佢都要辛苦埋哩次。點解？因為佢要係英國幫我買好多野返嚟！哈哈‧‧‧你地睇吓！樣樣我都好鍾意椰！

 

harman/kardon 嘅 iPod 汽車專用控制！幾型！

 

香港要賣成一千六百蚊，英國買只係四百蚊！正！快啲搵日去裝咗佢先。

不過最開心都係可以見返多啲細佬！

Design Chair

今日放半日假湊晴晴，去到吉之島見到舊版的 Design Chair 。跟住就買咗，我最希望係買到 Ball Chair。可惜，蒼天倘能盡人意、山作黃金海作田。不過都好彩係第二鍾意嘅鼓櫈。

 

Super HCM Pro Gundam RX78-2 入手

今日舅仔係旺角見到隻 Super HCM Pro Gundam 比吉之島平成 $160 蚊。佢即刻打電話問我買唔買。RX-78-2 係我最愛嘅 Gundam，而且仲要係 Super HCM Pro。買啦！買啦！

見偶像。

自從柏金收山後，我嘅現役偶像就變咗做享利(14)。本來都無諗過有機會見到佢，因為 2003 年去英國咁橋阿仙奴去咗第二度作客。點知巴賽 FC 話嚟香港，最初都唔係好大興趣。不過世事就係咁橋，佢又咁咁過咗巴塞 FC。又要咁橋公司又係 sponsor，咁我就有機會睇到享利 GOAL....！哈哈，仲緊要係唔駛錢加可以去記者區影相啦！

 

‧當 Canon 遇上 Carl Zeiss‧

今日，終於收到來自捷克嘅蔡司鏡。佢係我一個星期前成功在 ebay 投返嚟。仲等乜嘢？開箱先。嘩！好多包裝嘅紙碎係支鏡面喎！等我掃晒佢跟住嗱嗱聲走旺角買返個 M42 mount 將支 FLEKTOGON 2.8/20mm Carl Zeiss Jena DDR 裝上我部愛機先。你地睇吓幾有型？聽日去咁橘約咗小俊俊同埋阿 Sam 去白泥影相。真係好好彩！及時趕到。後日再上我個 blog 睇吓用佢影啲相得唔得啦！我都好緊張啊。

 
 
 

神鵰大俠！

神鵰俠侣終於做完。睇完之後就唔知點解想睇返以前嗰套。始終覺得年少時嘅偶像劉德華入格啲。我去左我個 CD 櫃到搵返隻好野比大家睇下！





有無朋友有舊神鵰俠侣借我睇下呢？好想睇啊！

※ 我愛阿仙奴 ※

說話唔駛多講，事實就係最好的正據。去片~~

終於儲齊了！

今日老婆終於儲齊了 7-Eleven 的搵丁迪士尼公仔。如果唔係想幫晴晴搵 d 兒童珍藏真係無咁好心機去儲。晴晴，你睇下你幾威！