心心日本搞笑篇

心心最愛食嘢，就算係日本都唔會例外。快啲睇吓佢幾為食啦！

《搞笑篇上集》



《搞笑篇下集》

日本東京之旅 2008

今次雖然心心好勁咁 Win 咗個旅行返黎。不過帶埋心心同晴晴去真係辛苦到爆！無時間行、無時間玩、無時間食、無手買嘢。不過我都唔係最辛苦嗰個，最辛苦係晴心媽媽，連瞓都無得瞓。所以我吔決定咗下年我吔自己兩個再去過！我吔要吃喝玩樂買嘢玩！就因為咁，所以今次我只可以影吓 snap shot 做記念。真係好對唔住大家，有時間就去睇吓啦！



請到 2008 東京之旅相簿  觀看更多！

小明星@日本

心心真係勁。唔係我自己讃自己個女正！我吔去到日本，無論係老外或者係日本人見到心心都即時講 Very cute 同埋 Kawaii。仲問我地可唔可以同心心影張相！梗係無問題啦！萬一撞著個外國大導演嘅話，我即時升格做星爸。到時想唔發都難！哈哈！

2003 旅遊回顧

其實去咁多地方，最靚我覺得係瑞士。偶然睇返 2003 年去瑞士嘅相，决定將啲相分享比大家睇下。

另外發現咗個可以將啲相變立體嘅網頁，有興趣去睇下啦！

Cool Slideshows!

更多瑞士的相片

泰國返嚟啦！

各住朋友，有無掛住我哋呢？今次去泰國真係熱到暈。不過大部份時間都係行室內商場，所以無咁熱。但係就行到有少少悶。勁食嘢、勁行就可以包括晒今次嘅旅遊簡介。就因為今次無乜行室外，所以就無乜影相。加埋親戚相都係影得百二、三張。去咗 Pattaya 兩日，但係就係渡假村裡面，所以都係無乜相好影。最開心就係竟然泰國有 Arsenal Official Shop。我就咁買咗兩件衫兩條褲。哈哈！仲有係泰國名牌鞋店 Bata 買咗對鞋。對鞋個樣有啲似阿小俊俊著開嗰啲 GUCCI 咁添。另外，返到嚟香港一如我所料。三條魚魚死晒，仲死得好核特。到以家我都唔敢將佢哋係魚缸撈返上嚟，請問邊個朋友可以入嚟我屋企幫吓我啊！救命啊！

 

請到doit4u new album睇更多泰國相片。

回禮！

仲有兩日就去泰國探親。次次去到細姨都使好多錢，但係比返佢佢又唔收。唯有出絕招啦，就係買啲嘢過去送比佢個囝囝阿 Ben。希望個細佬鐘意啦！

晴晴@海洋公園 21.10.2006

今次公司對我地啲員工都算係咁，可以用廉價買到海洋公園門卷。仲要包一餐同埋晴晴唔使錢。咁嘅機會梗係唔可以錯過啦！唔知你地仲記唔記得年頭我去海洋公園去到同人打交咁濟。但係今次都幾開心，唔係太多人。又無乜唔守規矩嘅人。我地由早上十點半玩到下午五點半先走，不過又唔係玩左好多野。唔緊要啦！最緊要係晴晴同老婆玩得開開心心。



請到晴晴相簿觀看更多晴晴在海洋公園的照片。

30-Sep-2006 @ 濕地公園

雖然晴晴噚晚激到我同晴晴媽媽好心痛，但係今日都帶佢去濕地公園玩下。晴晴，唔好咁曳啦！



請到晴晴相簿觀看更多。

北歐之旅片段《絕密大公開》

地點：芬蘭某火車站
時間：7:xx am

挪威『韋芝蘭公園』

各位朋友，我已經將挪威好出名嘅『韋芝蘭公園』的每一個人像 upload 咗去我個 Online Album 到。如果你喺鍾意睇啲咁嘅嘢就快啲去睇吓啦！仲有最緊要係唔好對啲相有乜期望，因為這批相只係作為旅遊記錄。我無用好多心機去影，請見諒！

『韋芝蘭公園』- Vigeland 特輯

北歐最後一站 - 挪威

終於到咗最後一站，最希望係可以快啲返香港見吓囡囡。但係見到挪威嘅風景，都叫做可以沖淡吓啲思鄉同埋思囡情。不過，事與願違。竟然係最靚風景嘅地方先嚟落雨，唔通個天都唔鍾意我？不過點都好，我係咁影，係咁影。但係返到香港發現啲相真係完全唔得，所以好失望。希望你地當我今次影啲相只係一般啲旅行相咁睇啦！唔好太高祈望。
四個國家啲風景相都全部放晒比你地睇啦，如果你叫我自己比分，今次啲旅行相我會比自己七十分。多謝收看！

請 click 以下的 link 睇下挪威啲劣作。

Norway Album



其實挪威仲有一個叫做『韋芝蘭公園』啲相仲未 post 上個 album 到。不過我好想 sleep 啦，你唔怕悶又有時間就後晚才上去睇下啦！點解我話要唔怕悶就睇，因為『韋芝蘭公園』最特別就係由一位藝術家用咗二十幾年時間喺呢個公園做咗百幾個唔同嘅人像，而且人地話個個都栩栩如生。每年亦吸引過百萬遊客參觀。我就係咁用左個幾兩個鐘頭將佢地影晒比你地睇，如果你鍾意睇呢類嘢就啱晒，如果唔係都幾悶呢！

北歐之旅 - 丹麥篇

丹麥係我今次北歐之旅最開心的一個國家，原因這裡有陪住我細個時候嘅 LEGO。成個 LEGOLAND 係到，開心晒！！不過最衰就係天氣唔好，如果天氣好似爛鬼芬蘭咁好就好啦！
仲有啊，唔該我個朋友唔好咁多無謂嘅問題啊。放少啲相又問我係唔係影相唔掂，唔敢放出嚟。放多啲又話張張相一樣。大佬啊，咁人地係得咁多景比我影，你想我點啊？



歡迎到我 丹麥的相簿 睇吓丹麥的相片。

北歐之瑞典篇

其實瑞典無乜特別之處。佢嘅建築物又唔係好特別，風景又唔係好靚，大自然景色又無乜出奇。不過我都幾鐘意佢地個 Skansen Zoo。所以瑞典篇都幾多動物相。隨此之外，係瑞典嘅 YMCA 係我第一間亦係唯一一間可以免費上網的地方，咁樣總叫我可以唔使咁悶。不過每人只限用二十分鐘，之後要再排隊等過。



瑞典的相片亦而 upload 咗去我個 online album 到。請等閒去睇吓啦！

Sweden Album

終於回來了！

終於係十四號返到香港。今次嘅旅程。令我領悟到我人生嘅第一次要珍惜生命嘅念頭，我喺過咗去嗰兩個星期覺得自己親手將我自己兩個星期嘅陽壽毀滅。雖然今次我老婆都喺一如以往咁做好多資料收集同忙碌咁搞飛機、火車、酒店咁嘅嘢。但係我可以總結今次我對四個國家嘅個人意見，記住！喺個人意見。

芬蘭：對我嚟講，佢喺一個可以喺地球上消失嘅國家。人民好酒成狂，酒後失態、失常等情景。無事無刻可以係你眼前出現，數目多到我相信係芬蘭嘅明勝景點 100 倍之多。以對於一個愛科技，愛先進嘅我，係芬蘭嘅生活可以話喺無間中嘅無間。我係芬蘭嘅幾日旅程就好似啲人臨死前不斷回憶細個嗰陣時啲情景咁，個時光隧道不停令我念返起細個開心嘅回憶。雖然佢坐擁世界兩大奇景：『午夜太陽』、『北極光』。我都係覺得這個國家可以消失。同埋我留意到連佢地自係啲人民用手提電話都係用 SAMSUNG 多過 NOKIA。真係唔知點解？

不過我可以好肯定咁同大家講，我老婆沿途已經好照顧同埋遷就我。令我可以得到無間道路中最大嘅歡樂。老婆！辛苦晒啦。不過，真係唔好要我再去第二次。

再一次聲明：以上全部係我個人意見，如有得罪愛好芬蘭者。只可以講句對唔住！

真係每次去完旅行最辛苦就係搞返啲相出嚟。因時間關係，我會慢慢咁加上去我個 doit4u.net Online Album 2 到。以你又可以 Click 以下條 link 去睇下芬蘭美好嘅一面先，其它國家將會遲啲再加入去！

北歐之旅 - 芬蘭



朋友們，唔好話咁少相，我 total 影咗 2,246 張。但係我只會 post 啲風景相，人像係唔會係網上放置嘅。同埋我覺得貴精不貴多，唔好話我 post 咁少相啊。唔該！

In North Europe Now!!

Dear All,

I just left Finland.... <---- Very boring

I'm using computer at Sweden YMCA... <---- Feel good... :P

開心 VS 激心 @ Ocean Park

今日我地同埋嫲嫲、爺爺、太嫲、叔叔、姑姐一同去《香港海洋公園》玩。這次又係晴晴的第一次。晴晴今日表現得十分開心，她第一次坐纜車，第一次見到很大很大的魚魚，今次晴晴可以還比上次泰國之行更近見到魚魚。她開心的笑容令到內心也十分甜。

    

    

    


跟住就輪到激心嘢啦，今日同日嘈咗三次。分別兩次大陸人同一次香港人，故事如下：
第一次激心

我地行緊去搵位睇《海洋劇場》，但係我同爸爸就要拓住晴晴同埋佢架 BB 車。你知啦，《海洋劇場》就好似《紅館》啲位咁，又窄又密，十分危險。當時我同埋爸爸就係喺咁嘅情況下拓住晴晴連埋架 BB 車好小心咁去搵位，點知有個大陸男人一支箭咁由看台上沖落嚟。仲用隻手想將我地推開。當時我的爸爸大喂一聲，跟住嗰個大陸人就用國語講咗一句『還未碰到』。如果當時係喺一個平地或者唔係太多人的地方我都可以算數，但係喺一個咁危險嘅環境地下，佢咁樣會做成好嚴重的效果。所以我即時動用咗我嘅真火好惡咁講咗句國語『碰到就已經遲啦！』。那個男人就即時唔敢再由我地行開那條路走下去。跟住我地就將睡眠中嘅晴晴叫醒，緊緊咁抱住佢。因為都唔知會唔會再有唔理安全咁一支箭咁走過嚟。

第二次激心　※三級※

喺上面件事發生咗都唔夠兩分鐘，我由突然聽到我媽咪十分激氣地咁話一個人。從我媽咪話人時得知原來有一個大約四五十歲的港婦因為想搵個好位睇《海洋劇場》，於是又喺推趺我媽咪。雖然我媽咪唔係完全趺咗係地下，但係就因為失咗重心差啲連環將太嫲推在地上，好彩最後都企得返隱。大概喺嗰個婦人嘅仔就講：「都講咗 Sorry 啦，仲要係喥嘈。」可以因為前事嘅氣都未消，又嚟一單嘅關係，我又再一次動用真火咁嘈佢地。我因為其實睇唔到當時喺邊個推到我媽咪，所以就向住嗰個方向喺度『小』@ZY#$XYZ。雖然咁樣做唔係太好同埋會好失禮，但係又係嗰句，效果好嚴重㗎大佬！行慢少少唔會睇唔到嫁！

第三次激心　※最三級同埋最緊湊的一次※

當睇完《海洋劇場》嘅時候，我地見到太嫲因為天氣太熱感到唔係太舒服。而且加埋上面兩次激心都危險嘅情形，我地決定離開《香港海洋公園》。我地諗住行去搭返纜車返過正門那邊山，嘩！條龍足足一條街咁長，於是我地就慢慢咁去搵條龍尾出嚟。終於我地搵到條龍尾，我地就一步一步咁跟住條龍尾等坐纜車返過對面山。行咗一段路見到個指示牌話大約仲有 60 分鐘先到上車嘅地方，Wow.... 真喺有啲想死嘅感覺。都無計啦，跟住就一步一步咁向前行。突然有兩個大陸人喺條人龍嘅出面走入嚟，大約係我地前五六個位左右啦。跟住我地前面嘅人開始叫嗰兩個大陸人去返龍尾排隊，點知嗰兩個大陸人用廣東話話唔知 wor，人地叫我地入嚟排嫁 wor。大佬，唔好當人白痴先得嫁。喺就人地唔會叫你去返龍尾啦，我同埋爸爸都忍唔住。我爸爸都開口叫嗰兩個大陸人離開，同埋大聲叫護衛員來。可惜，《海洋公園》可能無足夠嘅護衛員啦，叫極都無人嚟。係嚟個咁嘅時候，我又忍唔住氣，點解每個人都咁遵守去排隊等上纜車。而嚟兩個大陸人可以完全唔理會其他人嘅責罵咁打尖？我行前去叫嗰兩個人即刻離開條隊去返龍尾，其中一個大陸人就用操口回敬我，你估你先識講，我真係唔信我講操口屎過你。唔講喺因為場合問題。既然你大聲夾兇，我唔係返工嘅時候都唔係善男信女。今日都發咗火，為咗公義，唔爭在失身份多一次。「XYZ@#X^&....」 x n 次。最終嚟兩條大陸佬比我驅逐咗出條隊，以為事過天晴。原來嗰兩條大陸人走到去上纜車的位置等我，但係佢地無直接走去我度，佢地係我數個位後再度打尖。事情已經好明白，嚟兩大陸人想報復。我就真係唔驚，打、我又唔係未打過，而且喺香港。我真係驚你用唔準嘅廣東話粗口話我咩？又再一次對駡，而且今次我都已經將我隻手錶同埋身上嘅嘢比我老婆渣。我已經進入咗隨時開拖狀態，突然我媽咪話用相機影底佢地個樣。等萬一有乜嘢事時有証有據，我即刻用相機將佢地個樣影底。佢地知道我影佢地既時候，刻意逃避我個鏡頭。Anyway，我影到佢地。跟住終於輪到我地上纜車，我地同佢地相隔四部左右。到啦，到咗對面山啦。我沒刻意逃避佢地既追蹤，下車慢慢咁走到一間精品店睇嘢。佢地兩人走到我既後面，我爸爸緊張咁向護衛員投訴，並者要求報警。喺嚟個時候，嚟兩名大陸人衝向我到並出言激駡。我嫲嫲好似睇到嗰兩個大陸人用衫卷住唔知乜野對住我，嚇得全身打震同埋想喊。見到咁既情形，我梗係走去太嫲度安撫佢等佢無咁驚。跟住另一個《海洋公園》的識員，勸嗰兩個大陸人離開。我就係嗰兩個大陸人面前打 999 報警，並且同報案中心講解過程。當我話未說完，嗰兩個大陸人已經離開咗。因為見到嫲嫲心情激動同埋恐慌，我地要求護衛員離開《海洋公園》。當我地去到《海洋公園》的正門時，如我所料，佢地係度等緊我地。不過因為當時有三位護衛員係我地身邊開路，嗰三個大陸人都唔能夠走埋我地度。但係佢地竟然跟埋離開《海洋公園》。有見及此，我怕佢地會對我嘅屋企人作出報復，所以我要求兩位護衛員分別護送我同爸爸去停車場攞車，然後留一個保護我的屋企人。最後，我地安全咁離開《海洋公園》。但係就留下一個唔好嘅回憶。


P.S. 我絕對唔喺對大陸人有偏見，更何況我地都係中國人。不過有啲大陸人實在唔識進步。錢，你可以一夜之間或者已經搵得多過我；但係公平同埋公德就完全唔識進步。可悲！可悲！

泰國回來！！！

從泰國回來差不多已經兩星期了，但係一直都沒有時間處理相片。但因為實在太耐無 update 個 blog，所以今日決心多多少少都寫返多少字。晴晴去到泰國十分曳曳，成日要食零食，唔比就一於喊到你比為止。不過其實晴晴都算係咁，有兩次我同老婆自己出去行街，佢直頭唔記得左我地 >_< ！晴晴係泰國玩得好開心，又跑又跳又講泰文。一句《沙華 LI》，引起我地成班大人哈哈笑。出年唔知會唔會再去一次呢？見都晴晴咁開心，真係辛苦都值得！

香港機場有一個好大的 LV！	晴晴就上飛機了！
晴晴你十五個月大坐飛機了！	個天好靚！
到逹泰國機場！	泰國水族館！
姨婆屋企！	《泰國一個好華麗的 Mall》

請到《苑晴影院》觀看泰國影片

準備晴晴第一次去旅行

今日係二零零五年既二十七日，晴晴十五個半月大。佢今日就要一嘗搭飛機的感覺，唔知佢會覺得好得意定係唔鐘意呢？我同老婆加埋只係用左一個袋放衫，但係晴晴就勁啦！睇o下下面張相你地就知。要幫佢帶 d 乜？衫、玩具、生活用品、水、BB 車等等。今次去泰國最主要係見下佢姨婆，因為泰國的親友好想見下佢。我地 Call 左部車十二點三到我地屋企。現在差唔多十一點半啦！所以係咁多先。一月四日再見！