第一次！

今日將我嘅第一次奉獻咗比兩個中五嘅小妹妹！唔好誤會，係我第一次小組外影 Model。雖然兩個 model 加埋先有我咁大，但係佢地真係好 professional 。我地乜都唔識，佢地又無話唔耐煩。不過今日真係幾唔滿意自己影啲相。真係浪費咗人地啲時間。希望就今次嘅經驗可以令到下次或者第時可以有些水準嘅作品啦！真係唔知人地會唔會覺得我地好差，以後都無人比我地影！:-(

我吔係邊幾個？之唔係小俊俊同埋 Anthony Yip 囉！





如要觀看更多，請到 我的 online album

革命攝花火

今日喺 2009 嘅的第一日，剛剛訓醒無幾耐。終於有時間處理噚日係 IFC 影嘅煙花相。講起噚日影相就唔能夠唔同大家分享吓我吔革命成功嘅事。點解影煙火同革命會扯上關係？原因係我地大約十點去到影煙花嘅地方，去到嘅時候只係得一對型男索女係度等緊影煙花。我吔都驚 set 好晒之後比警察叔叔驅趕，眼見有兩架警察車係度，梗係問咗先啦！問完佢吔答返我只係會趕車走唔趕人走。正！第一時間飛返個靚位到 set 機啦！跟住就同阿 Sam、小俊俊、仲有對型男索女傾吓計等影相。點知‧‧‧突然有個警察叔叔行過黎叫我吔走！吓！唔係呱！仲有十分鐘就開先黎同我吔講唔可以係度影？當時大約有二三十人係度，但係真係等咗兩個幾三個鐘其實就係得對型男索女同我吔。不過其他人嘅激動情緒都唔比我吔差。叫苦、叫罵、叫囂都有。最後時間一秒秒咁過，有一個二粒一柴嘅警察叫其他警察用雪糕筒把我吔圍住。哈哈！掂咗，佢圍住我吔係唔想我吔走出馬路。咁即係我吔可以係原位影新年煙花。一場無流血嘅革命，一場精彩嘅煙花。咁就係一個新年頭嘅開始。雖然我對影煙花真係無心得，但係如果有興趣就去我個相簿睇吓啦！



煙花的 Online album

晴晴美女！

晴心媽媽係日本定咗好多衫比晴心姊妹，晴晴最鍾意就係呢條裙。佢仲鬼鬼馬馬比我影相。你地睇吓佢靚唔靚！

美女晴晴！

今日晴晴去荃灣大會堂表演。表演過程就要遲啲先買到 DVD 睇，不過一返到屋企真係忍唔住要同我個靚女晴晴影返幾張相先得。大家睇吓佢靚唔靚？我第一眼見到佢化咗妝真係靚到我認唔到！哈哈！

日本東京之旅 2008

今次雖然心心好勁咁 Win 咗個旅行返黎。不過帶埋心心同晴晴去真係辛苦到爆！無時間行、無時間玩、無時間食、無手買嘢。不過我都唔係最辛苦嗰個，最辛苦係晴心媽媽，連瞓都無得瞓。所以我吔決定咗下年我吔自己兩個再去過！我吔要吃喝玩樂買嘢玩！就因為咁，所以今次我只可以影吓 snap shot 做記念。真係好對唔住大家，有時間就去睇吓啦！



請到 2008 東京之旅相簿  觀看更多！

全家福

仲記唔記得我吔國慶去咗影樓影相呢？當然除咗心心好叻咁令到我吔可以免費去日本之外，仲有就係當日其實都買咗張大張。今日終於有得攞啦！張相就放咗係我吔個飯廳，等到食飯時可以開胃啲。嘻嘻！

別人的藝術

今日同小俊俊去咗《賽馬會創意藝術中心》。看見別人多種不同的創意同心思，自己真有點乏味；只懂把別人的心思同創意複製在自己嘅記憶咭中。今次就當作同大家分享別人的心思，希望能啟發到我地的創作細胞。



更多賽馬會創意藝術中心相片！

向第 70 隊快樂小密蜂致敬！

晴晴巳經正式加入咗女童軍第70 隊《快樂小密蜂》。唔知點解依家女童軍會改埋啲咁搞笑嘅名！不過套衫真係幾靚。晴心媽媽當年亦係女童軍隊長，唔知晴晴做吾做到呢？

 

香港的回憶

雖然我唔係住牛頭角下邨。但係隨住香港嘅發展，好快又要將一啲值得回憶嘅嘢拆卸。好耐無出去影相嘅我，今日同小俊俊就去咗牛頭角下邨同香港人留返啲回憶。



請去我個  online 相簿 觀看更多！

Family @ Studio

今日國慶 book 咗去 Studio 影全家福。當然其實心心係主角啦！大家有時間去我哋個相簿睇吓啦！



晴心相簿

心心@Studio 相簿

晴晴@Studio 相簿

全家開開心心@Studio 相簿

自然‧美！

自從晴晴大個咗之後同佢影相時佢都好做作。跟本無一張我自己十分鍾意。但係今日終於影到佢自然美嘅笑幾張。好想好想同大家分享！







晴晴相集

晴心姊妹又有新相啦！

晴晴真係好有做 model 嘅天份。睇到佢嘅姿勢真係忍唔住笑咗出嚟，你吔睇吓！仲有妹妹成日笑，不過就好難補足到。比啲時間我啦，一定可以影到佢笑晒口啲相比你吔睇。

 

 

請到佢吔嘅相簿觀看更多！

晴晴相簿

心心相簿

心心 8 個月啦！

今日心心 8 個月大，媽媽話要同《晴心姊妹》影翻幾張沙龍喎！好，就比你吔睇下啦！

 

 

請到佢吔嘅相簿觀看更多！

晴心相簿

晴晴相簿

心心相簿

心心相簿開幕！

終於開始為心心做個相簿啦！我會慢慢加返多啲心心嘅相上去。大家得閒就去睇吓啦！



心心相簿

晴心相簿

晴晴《功夫熊貓》系列

晴晴今日失驚無神走去扮《功夫熊貓》。好搞笑！



仲有阿楠生日會啲相

請到晴晴相簿觀賞更多！

美好時光不能留。

今天天氣好得不得了。對於喜歡攝影的人來說實在太美好！但由於工人 li li 要放假，我又沒有什麼心情。所以白白浪費了今天。但黃昏時一個人在睡房望出去，也禁不住要把相機拿出來拍一張。



希望明天能出外拍拍照！

放棄了？還未！

很耐都無再用部相機去影相。有時心裡面都會問吓自己係唔係已經放棄咗影相。但係今日再次攞返起佢同 Anthony、小俊俊去濕地公園。我可以好肯定話比你地知，原來我仲好鍾意影相。不過我覺得自己影相差咗好多。Anyway，影返多啲惡補吓先得。



請到我的相簿觀看今次全部相片

Magic!!!

好耐都無見過 Magic hour。今日返到屋企由房間望出去，立即令我走到士多房攞返部相機出嚟。你地睇，個天真係好耐無試過咁靚啦！

可憐的晴晴！ :-(

你地睇下可憐嘅晴晴。隻眼腫到咁都笑住比我影相！

心心累了！

心心其中一個經常見嘅表情就係打呵久啦！比大家見識吓啦！

姐妹『晴心』

乜野叫做姐妹『晴心』？未就係晴晴同埋心心兩姐妹囉！

 

Who is Sum Sum？

邊個叫做心心？未就係我哋屋企個『寶貝二號』囉！佢都好似晴晴咁得意架！不過以家開始認人。因為我比少咗時間睇佢，佢唔係好認得我。我抱親佢佢都喊都好勁。搞到我都唔知點算。仲要比老婆係屋企叫我做 number10。唔係足球員個十號，係屋企加埋得五個人，而我被重視嘅程度排到第十。可想我現在活得幾好。><
等我聽多啲華仔首 Everyone is No.1 安慰下自己先得。Anyway, I will try my best to give you more time. 我遲一步會做個『雙妹嘜影院』同『心心天地』。希望到時大家可以睇到多啲佢地兩姐妹嘅生活同成長點滴啦！又係嗰句：廢話少講，去片。

 

 

忙乜忙到同你地失晒聯絡？

很久很久沒有更新我的 Blog 了。我忙乜忙到咁？除咗公司有 Project 外，最忙就係搬屋。由搬屋前一個月忙到上個星期先叫做八八九九。裝修一般，傢私就因為最後收口費嘅問題搞到唔開心。一句講晒：煩！各位好友，如果有興趣到小弟寒舍坐下，請打個電話比我。我會好熱情咁招待閣下，令到你有賓至如歸嘅感覺為止。廢話少講，比啲相大家睇下先！

 

 

晴晴第一次抱妹妹！

晴晴都好意妹妹。仲話要抱妹妹 wor.... 你地睇吓‧‧‧

妹妹出世啦！

晴晴妹妹今日出世啦！我同埋晴晴媽媽去街睇新屋裝修嘅野。點知睇睇吓妹妺好似想出世咁，所以我地就去咗醫院。跟住醫生叫我吔準備吓。終於今日晴晴妹妹喺早上出世咗啦！你地睇吓同晴晴細個好似樣架！

 
BB Day 1


晴晴 Day 1！

舞蹈全城！

我吔其實從來無諗過要晴晴有乜成就，只要佢活得開心健康我地就開心啦。不過都想睇吓佢有乜野興趣。所以就同佢報咗學校一個芭蕾舞班。如果佢自己都覺得好玩就比佢繼續玩，唔係就再睇下佢對邊樣有興趣就再比佢試吓。



更多相片

香港大學第二十六屆「妙舞豐姿攝影日」

十一月十一日係香港大學每年一度嘅攝影日。今次我約咗三個朋友一齊去影吓啲靚女。其中一個朋友係我嘅中學同學，希望今次可以毒到佢入多啲靚鏡啦！哈哈‧‧‧多謝大家觀賞。



更多相片

Halloween！

晴晴好細膽，但係扮鬼扮馬都幾似模似樣。大家睇吓啦！

 

更多請到晴晴相簿觀看！

攝影日！

今日我同余仔、余仔老婆(Jessie)同埋阿 Sam 去咗影相。我地首先去咗大埔鳳園，跟住再去荔景影夜景。今日都影得好輕鬆，唔係太辛苦。不過收獲就唔係多。請到我的相簿睇下啦！

 

大埔鳳園
荔景夜景

泡菜公主！

晴晴著起大長金裙真係好靚女呀！



請到晴晴相簿觀看！

樂在迪士尼

為慶祝晴晴三歲生日！我吔一家大細去咗迪士尼樂園玩。晴晴玩得好開心，所以我吔都好開心。



更多請到晴晴相簿觀看！

晴晴新相登場《Aug‧16》

今日晴晴媽媽興致起，搵返件靚裙仔比晴晴著。咁當然要同佢影吓相啦！



請到相簿觀看更多

見偶像，現真章！

享利終於不負所望，係亞洲之旅最後一站、『香港』入波。唔通真係有我在場佢踢得特別醒神？有興趣睇下小弟啲劣作。

 

請到相薄觀看更多 More...

2003 旅遊回顧

其實去咁多地方，最靚我覺得係瑞士。偶然睇返 2003 年去瑞士嘅相，决定將啲相分享比大家睇下。

另外發現咗個可以將啲相變立體嘅網頁，有興趣去睇下啦！

Cool Slideshows!

更多瑞士的相片

第一次去下白泥‧

影咗幾年相，噚日先第一次去下白泥影日落。雖然我地影唔到我地想影嘅日落同 Magic Hour。不過我用了那支蔡司 20/2.8 在我的 5D 上，我感覺良好。請到我嘅相簿睇下啦！



我的相簿

晴晴新玩具！

晴晴乖咗成個禮拜，我同媽咪商量後決定提早開個靚玩具比佢玩。你吔睇吓幾靚？正呀！

 
 

十一分鐘開箱直擊！


或到晴晴影院觀看晴晴全部影片！

整古做怪史力加！

晴晴唔知點解叫親佢影相都古靈精怪。你地睇下佢，一話同佢影相！XD

 

笑死我了！

晴晴第一次畢業！

睇住晴晴一步一步咁成長，做人父母真係好開心。今日晴晴終於係拔臣幼稚園的 playgroup 畢業啦！，見到佢又歌又舞，真係好大感觸。Click 張相或者 Click 下面條 link 睇吓啦！



doit4u.net Album 2

名模晴晴！

今天在會所本想為兩歲九個月的小女影下生活相。當我 set 好晒坐位後，她竟然做個咁嘅姿勢跟住同我講想咁影 wor....我真係唔知佢係邊度學個咁嘅姿勢。不過我當然唔埋咁多，快快手手同佢影啦。如果有同兩、三歲小朋友影過相都知。咁樣真係好難得。作為爸爸嘅我，當然要同人分享下我好快有個私人 Model lu。

 
 

香港水種植物展覽 2007

今日同小俊俊加阿Sam 一齊去香港公園嘅香港水種植物展覽 2007。今年比上年少好多野影！不過大家都可以去我個 Album 睇吓嘅！



更多

晴晴瞓得好招積！

晴晴真係好多嘢講同埋好多古靈精怪啲動作。你地睇吓佢瞓都瞓得招積過人。

晴晴新相 Jun-12-2007

又好辛苦咁影到晴晴一啲近照，Click 張相或者 Click 下面條 link 睇吓啦！



doit4u.net Album 2

晴晴相簿 updated!

各位朋友，想睇下晴晴係泰國嘅相嘅您。快啲去 doit4u new album 睇吓啦！

2007 香港花卉展‧25-Mar-2007

今日係『2007 香港花卉展』嘅最後一日。我仲搵咗阿宇仔同佢老婆、仲有阿 Sam 一齊去影吓相。影得痲痲地，不過你哋都去我個相簿睇吓啦！



請到我的相簿觀看全部！

十二月十六日、晴。

今日揸緊車嘅時候見到個天好靚。靚到好似好多綿花糖就嚟炸到金黃色咁。雖然無帶戰機出黎，不過都忍唔住用手機影低留為記念！

  

30-Sep-2006 @ 濕地公園

雖然晴晴噚晚激到我同晴晴媽媽好心痛，但係今日都帶佢去濕地公園玩下。晴晴，唔好咁曳啦！



請到晴晴相簿觀看更多。

新增兩個相簿

2006-Aug-5 鳳園



2006-Aug-13 城門水塘

挪威『韋芝蘭公園』

各位朋友，我已經將挪威好出名嘅『韋芝蘭公園』的每一個人像 upload 咗去我個 Online Album 到。如果你喺鍾意睇啲咁嘅嘢就快啲去睇吓啦！仲有最緊要係唔好對啲相有乜期望，因為這批相只係作為旅遊記錄。我無用好多心機去影，請見諒！

『韋芝蘭公園』- Vigeland 特輯

北歐最後一站 - 挪威

終於到咗最後一站，最希望係可以快啲返香港見吓囡囡。但係見到挪威嘅風景，都叫做可以沖淡吓啲思鄉同埋思囡情。不過，事與願違。竟然係最靚風景嘅地方先嚟落雨，唔通個天都唔鍾意我？不過點都好，我係咁影，係咁影。但係返到香港發現啲相真係完全唔得，所以好失望。希望你地當我今次影啲相只係一般啲旅行相咁睇啦！唔好太高祈望。
四個國家啲風景相都全部放晒比你地睇啦，如果你叫我自己比分，今次啲旅行相我會比自己七十分。多謝收看！

請 click 以下的 link 睇下挪威啲劣作。

Norway Album



其實挪威仲有一個叫做『韋芝蘭公園』啲相仲未 post 上個 album 到。不過我好想 sleep 啦，你唔怕悶又有時間就後晚才上去睇下啦！點解我話要唔怕悶就睇，因為『韋芝蘭公園』最特別就係由一位藝術家用咗二十幾年時間喺呢個公園做咗百幾個唔同嘅人像，而且人地話個個都栩栩如生。每年亦吸引過百萬遊客參觀。我就係咁用左個幾兩個鐘頭將佢地影晒比你地睇，如果你鍾意睇呢類嘢就啱晒，如果唔係都幾悶呢！