Welcome to doit4u.net

第一次！

noreply@blogger.com (晴心爸爸) — Sat, 03 Jan 2009 20:07:00 +0000

今日將我嘅第一次奉獻咗比兩個中五嘅小妹妹！唔好誤會，係我第一次小組外影 Model。雖然兩個 model 加埋先有我咁大，但係佢地真係好 professional 。我地乜都唔識，佢地又無話唔耐煩。不過今日真係幾唔滿意自己影啲相。真係浪費咗人地啲時間。希望就今次嘅經驗可以令到下次或者第時可以有些水準嘅作品啦！真係唔知人地會唔會覺得我地好差，以後都無人比我地影！:-(

我吔係邊幾個？之唔係小俊俊同埋 Anthony Yip 囉！

如要觀看更多，請到我的 online album

革命攝花火

noreply@blogger.com (晴心爸爸) — Thu, 01 Jan 2009 09:54:00 +0000

今日喺 2009 嘅的第一日，剛剛訓醒無幾耐。終於有時間處理噚日係 IFC 影嘅煙花相。講起噚日影相就唔能夠唔同大家分享吓我吔革命成功嘅事。點解影煙火同革命會扯上關係？原因係我地大約十點去到影煙花嘅地方，去到嘅時候只係得一對型男索女係度等緊影煙花。我吔都驚 set 好晒之後比警察叔叔驅趕，眼見有兩架警察車係度，梗係問咗先啦！問完佢吔答返我只係會趕車走唔趕人走。正！第一時間飛返個靚位到 set 機啦！跟住就同阿 Sam、小俊俊、仲有對型男索女傾吓計等影相。點知‧‧‧突然有個警察叔叔行過黎叫我吔走！吓！唔係呱！仲有十分鐘就開先黎同我吔講唔可以係度影？當時大約有二三十人係度，但係真係等咗兩個幾三個鐘其實就係得對型男索女同我吔。不過其他人嘅激動情緒都唔比我吔差。叫苦、叫罵、叫囂都有。最後時間一秒秒咁過，有一個二粒一柴嘅警察叫其他警察用雪糕筒把我吔圍住。哈哈！掂咗，佢圍住我吔係唔想我吔走出馬路。咁即係我吔可以係原位影新年煙花。一場無流血嘅革命，一場精彩嘅煙花。咁就係一個新年頭嘅開始。雖然我對影煙花真係無心得，但係如果有興趣就去我個相簿睇吓啦！

煙花的 Online album

晴晴跟她的 best friend 玩了一天！

noreply@blogger.com (晴心爸爸) — Fri, 26 Dec 2008 15:03:00 +0000

今日晴晴同埋佢嘅 best friend 去咗大棠荔枝園玩咗一日。其實佢地兩個見到已經開心到不得了，去邊到玩都無問題。就好似今日咁，佢地玩咗成日竟然話餵金魚最好玩！激死！

想睇更多佢地嘅相，請到晴晴相簿觀看更多。

晴晴美女！

noreply@blogger.com (晴心爸爸) — Fri, 19 Dec 2008 15:29:00 +0000

晴心媽媽係日本定咗好多衫比晴心姊妹，晴晴最鍾意就係呢條裙。佢仲鬼鬼馬馬比我影相。你地睇吓佢靚唔靚！

老婆，生日快樂！

noreply@blogger.com (晴心爸爸) — Fri, 19 Dec 2008 15:23:00 +0000

今日係老婆 24 歲嘅生日，(哈哈！)祝你身體健康，常常美麗。希望你喜歡今年我的準備同禮物啦！

心心獻愛心。

noreply@blogger.com (晴心爸爸) — Tue, 16 Dec 2008 11:57:00 +0000

心心自己病到死死吓都不忘獻出愛心。自己唔用退熱貼之餘仲要錫啖鹿鹿，唔得！爸爸吃醋啦！

大腳偉叔叔，多謝你隻鹿鹿。你睇吓佢過得幾好！

乜野叫做強？

noreply@blogger.com (晴心爸爸) — Sun, 14 Dec 2008 06:21:00 +0000

頂級就係頂級。5D Mark II 再勁都只不過係中級機種，點先係機皇？小俊俊就可以話比你知，SONY A900 全幅片 2400 萬像就係機皇啦！忍手咗咁耐，佢終於要接受現實。頂級人用頂級機！你睇吓佢買咗部頂級機都目無表情就知佢深不見底啦！

雙生機？

noreply@blogger.com (晴心爸爸) — Sun, 14 Dec 2008 06:05:00 +0000

話時話好耐都無出 post 啦！點解？第一病到七彩，飽受同事白眼、吐罵。仲邊有心情同時間出 post 啊！不過今日真係有野不吐不快。陪伴咗我兩年半嘅神兵終於受唔住科技進步嘅考驗，要退役啦！5D，再見啦。咁邊個取代佢？就係佢個弟弟，5D Mark II 啦。成街都無貨但又偏偏比我遇見，我地嘅緣份都唔少。好等我用你影多啲相同 movie 報答你嘅出現先得。

美女晴晴！

noreply@blogger.com (晴心爸爸) — Sun, 16 Nov 2008 15:02:00 +0000

今日晴晴去荃灣大會堂表演。表演過程就要遲啲先買到 DVD 睇，不過一返到屋企真係忍唔住要同我個靚女晴晴影返幾張相先得。大家睇吓佢靚唔靚？我第一眼見到佢化咗妝真係靚到我認唔到！哈哈！

心心日本搞笑篇

noreply@blogger.com (晴心爸爸) — Wed, 12 Nov 2008 13:38:00 +0000

心心最愛食嘢，就算係日本都唔會例外。快啲睇吓佢幾為食啦！

《搞笑篇上集》

《搞笑篇下集》

日本東京之旅 2008

noreply@blogger.com (晴心爸爸) — Tue, 11 Nov 2008 13:29:00 +0000

今次雖然心心好勁咁 Win 咗個旅行返黎。不過帶埋心心同晴晴去真係辛苦到爆！無時間行、無時間玩、無時間食、無手買嘢。不過我都唔係最辛苦嗰個，最辛苦係晴心媽媽，連瞓都無得瞓。所以我吔決定咗下年我吔自己兩個再去過！我吔要吃喝玩樂買嘢玩！就因為咁，所以今次我只可以影吓 snap shot 做記念。真係好對唔住大家，有時間就去睇吓啦！

請到 2008 東京之旅相簿觀看更多！

小明星@日本

noreply@blogger.com (晴心爸爸) — Tue, 11 Nov 2008 13:18:00 +0000

心心真係勁。唔係我自己讃自己個女正！我吔去到日本，無論係老外或者係日本人見到心心都即時講 Very cute 同埋 Kawaii。仲問我地可唔可以同心心影張相！梗係無問題啦！萬一撞著個外國大導演嘅話，我即時升格做星爸。到時想唔發都難！哈哈！

真的令我愛上你？

noreply@blogger.com (晴心爸爸) — Wed, 29 Oct 2008 12:53:00 +0000

記得 2002 年有一天好奇看看一個新聞組，有一個名為《光圈先決》的人令我愛上攝影。令我愛上在數碼相機上拍下我喜歡的人和物。2008 的今年，有一個人叫《B 仔》。令我開始想用菲林相機去拍下我喜歡的人和景。點解當時代進步咗咁多，由數碼相機普及令好多人開始攝影嘅時候；又會有一群用數碼相機拍照嘅人想買返部傳統相機影吓相？真係唔明。我個人認為現今全幅片嘅數碼相機已經超越咗傳統 135 相機好多。點解？點解包括我都想擁有一部菲林 135 相機？說不出的原因，說不出的魔力。但係我亦唔係隨便選擇一部 135 相機就能滿足我嘅要求。終於由《B 仔》袋裡開始。一部簡單操作，有一定影像質數嘅 135 機仔，佢似乎就係我想要嘅野。《佢》係乜野？《Fujifilm Natura Classic》。一個我陌生嘅名字，請恕我對菲林相機嘅無知。這個名字在 Internet 上不難找到佢嘅資料，有人會同我講 Minota TC-1 係無敵。但我在網上尋找了很多相片嘅 sample 睇。我要嘅、我認為係《Fujifilm Natura Classic》。雖然我仲未入手，但我已經問《B 仔》借咗黎試下。我仲買咗一筒成 $55 蚊嘅菲林準備投入 Natura Classic 嘅世界。

當第一筒菲林誕生之時，就係我決定係唔係把佢擁有之時。

心心‧破屋企記錄

noreply@blogger.com (晴心爸爸) — Tue, 28 Oct 2008 14:55:00 +0000

心心破乜記錄？未就係申請 Passport 同 ID Card 囉。佢咁醒嬴咗個日本旅行返黎，無理由唔帶埋佢去。晴晴第一次出埠係一歲半，心心就得八個月大。不過真係有啲擔心佢水土不服！

全家福

noreply@blogger.com (晴心爸爸) — Sun, 26 Oct 2008 12:54:00 +0000

仲記唔記得我吔國慶去咗影樓影相呢？當然除咗心心好叻咁令到我吔可以免費去日本之外，仲有就係當日其實都買咗張大張。今日終於有得攞啦！張相就放咗係我吔個飯廳，等到食飯時可以開胃啲。嘻嘻！

別人的藝術

noreply@blogger.com (晴心爸爸) — Sat, 25 Oct 2008 13:57:00 +0000

今日同小俊俊去咗《賽馬會創意藝術中心》。看見別人多種不同的創意同心思，自己真有點乏味；只懂把別人的心思同創意複製在自己嘅記憶咭中。今次就當作同大家分享別人的心思，希望能啟發到我地的創作細胞。

更多賽馬會創意藝術中心相片！

心心老闆！

noreply@blogger.com (晴心爸爸) — Thu, 23 Oct 2008 13:50:00 +0000

各方好友，我地就黎一家人去旅行啦！去邊？日本囉。點解？咁就要多謝今次個老闆心心啦！因為之前晴心媽媽將心心張相寄咗去參加比賽。點知今日收到通知話嬴咗。嬴咗乜？大家睇吓下面條 link 啦！

http://www.friso.com.hk/photos/winner01.jsp

你地無睇錯！就係《四人五日四夜日本東京機票連酒店加迪士尼樂園入場卷》

就係呢張相啦！

不過晴心爸爸因為無假期可能無得去。:(

心心笑笑笑！

noreply@blogger.com (晴心爸爸) — Wed, 22 Oct 2008 14:58:00 +0000

今日媽媽要開 OT 。等我同心心玩一晚先攞下分先！

心心喪笑！

安心晒！

noreply@blogger.com (晴心爸爸) — Tue, 21 Oct 2008 15:27:00 +0000

今日真係可以話安心晒。點解？啲人問我地公司掂唔掂？你睇下，咁嘅時勢仲有多餘錢送成三千個《南瓜頭》比員工。你就知實力有幾雄厚啦。

哈哈！

Photo Wall

noreply@blogger.com (晴心爸爸) — Thu, 16 Oct 2008 14:29:00 +0000

晴心媽媽買咗個 Photo Wall 比我。等我將晴心啲相放上去等大家成日可以見到先。

向第 70 隊快樂小密蜂致敬！

noreply@blogger.com (晴心爸爸) — Thu, 16 Oct 2008 14:20:00 +0000

晴晴巳經正式加入咗女童軍第70 隊《快樂小密蜂》。唔知點解依家女童軍會改埋啲咁搞笑嘅名！不過套衫真係幾靚。晴心媽媽當年亦係女童軍隊長，唔知晴晴做吾做到呢？

香港的回憶

noreply@blogger.com (晴心爸爸) — Sat, 11 Oct 2008 14:23:00 +0000

雖然我唔係住牛頭角下邨。但係隨住香港嘅發展，好快又要將一啲值得回憶嘅嘢拆卸。好耐無出去影相嘅我，今日同小俊俊就去咗牛頭角下邨同香港人留返啲回憶。

請去我個 online 相簿觀看更多！

Family @ Studio

noreply@blogger.com (晴心爸爸) — Wed, 01 Oct 2008 12:40:00 +0000

今日國慶 book 咗去 Studio 影全家福。當然其實心心係主角啦！大家有時間去我哋個相簿睇吓啦！

晴心相簿

心心@Studio 相簿

晴晴@Studio 相簿

全家開開心心@Studio 相簿

自然‧美！

noreply@blogger.com (晴心爸爸) — Sun, 28 Sep 2008 13:59:00 +0000

自從晴晴大個咗之後同佢影相時佢都好做作。跟本無一張我自己十分鍾意。但係今日終於影到佢自然美嘅笑幾張。好想好想同大家分享！

晴晴相集

心心傳真！

noreply@blogger.com (晴心爸爸) — Tue, 23 Sep 2008 11:42:00 +0000

又打八號風球。今年真係勁！早咗返屋企同心心拍咗兩段錄像。等我同大家分享吓啦！

心心喪叫！

心心學做動作